Пракуратура Капыльскага раёна прыняла ўдзел у арганізаванай Міністэрствам лясной гаспадаркі добраахвотнай акцыі «Тыдзень лесу».
Работнікі пракуратуры Капыльскага раёна і супрацоўнікі Капыльскага РАСК працавалі ў Колаўскім лясніцтве, дзе высадзілі саджанцы елкі і дуба на плошчы ў адзін гектар.
Работнікі Капыльскага вопытнага лясгаса забяспечылі ўдзельнікаў акцыі пасадачным матэрыялам і прыладамі працы, расказалі аб ахове лясоў і лесааднаўленні. Вільготная глеба і спрыяльны тэмпературны рэжым выдатна падыходзілі для стварэння новага лесу.
Работнікі пракуратуры раёна і Капыльскага РАСК унеслі свой уклад у азеляненне краіны і заклалі аснову для будучых пакаленняў. Бо гэтыя рэсурсы неабходна ўвесь час абнаўляць.
Аляксей КРОТ
юрыст 1 класа, намеснік пракурора Капыльскага раёна
Крыніца «СП»