Старшыня Мінскай абласной арганізацыі Беларускага прафесійнага саюза работнікаў лесу і прыродакарыстання Сяргей Ігнатовіч сустрэўся з працоўным калектывам Капыльскага вопытнага лясгаса.
Адно з пытанняў - папярэджанне пажараў і надзвычайных сітуацый у жылым фондзе і прыродных экасістэмах Мінскай вобласці.
Сяргей Яўгенавіч адзначыў, што ў 2022 годзе склалася няпростая сітуацыя з пажарамі (загараннямі) у прыродных экасістэмах як у Мінскай вобласці, так і ў рэспубліцы ў цэлым. Так, на тэрыторыі вобласці колькасць пажараў (загаранняў) у прыродных экасістэмах павялічылася ў 2,8 раза. Доля Мінскай вобласці ў разрэзе рэспублікі складае 27,2%. У лясных масівах адбылося павелічэнне колькасці пажараў на 66% на тарфяніках - у 1,8 раза, загаранняў травы і кустоў - у 3. У бягучым годзе па стане на 13 красавіка на тэрыторыі Мінскай вобласці назіраецца зніжэнне пажараў травы і кустоў на 92%.
На жаль, у 2022 годзе мелі месца факты гібелі людзей ад прыродных пажараў, а таксама пашкоджанне маёмасці грамадзян. Напрыклад, на пажарах загінулі 4 чалавекі, знішчана 12 гаспадарчых пабудоў і 1 адзінка тэхнікі, пашкоджаны 10 гаспадарчых пабудоў.
Не дапускаецца развядзенне вогнішчаў на тарфяных грунтах, пад кронамі дрэў. Выкарыстанне для распальвання вогнішчаў і вугалю лёгкаўзгаральных і гаручых вадкасцяў (за выключэннем вадкасцяў, спецыяльна прызначаных для распальвання) не дапушчаецца. Адказнасць за парушэнне патрабаванняў па забеспячэнні пажарнай бяспекі пры спальванні смецця прадугледжана артыкулам 24.36 Кодэкса Рэспублікі Беларусь аб адміністрацыйных парушэннях.
Наталля ДАВЫДЗЕНКА
Крыніца «СП»
