Цырымонія развітання з піянерскім гальштукам і ўступлення ў рады ГА «БРСМ» адбылося напярэдадні Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь у музеі 17-га Цімкавіцкага Чырванасцяжнага пагранiчнага атрада, размешчаным у Цімкавіцкай СШ.
Ва ўрачыстай абстаноўцы членскія білеты і значкі ГА «БРСМ» хлопцам уручылі першы сакратар РК ГА «БРСМ» Анастасія Збіруховіч і намеснік начальніка аддзела ідэалагічнай работы, культуры і па справах моладзі Капыльскага райвыканкама Наталля Гарбацэвіч, пажадаўшы поспехаў у рэалізацыі планаў і ідэй, маладзёжных ініцыятыў. Затым на пытанні хлопчыкаў і дзяўчынак грамадзянскай тэматыкі адказала адвакат Жанна Кіслая.
Крыніца «СП»
