20 траўня горад гасцінна сустрэне ўдзельнікаў XXXIV лёгкаатлетычнага прабегу «Капыльскае кольца».
Адкрыты чэмпіянат Мінскай вобласці па паўмарафоне прысвечаны Дню работнікаў фізічнай культуры і спорту.
Галоўным відам спаборніцтваў з'яўляецца забег на дыстанцыі 21,1 км. Тут будуць заяўлены мужчыны і жанчыны ў дзвюх узроставых катэгорыях: 18-39 гадоў (1984-2005г.н.), 40 гадоў і старэйшыя (1983 – г.н. і старэйшыя). Па традыцыі ў праграму таксама ўваходзяць забегі на 10 км, 550 м і 3 км. Чакаецца, што самымі масавымі стартамі стануць дыстанцыі 600 м і 1 км, у якіх прымуць удзел хлапчукі і дзяўчынкі з устаноў агульнай сярэдняй адукацыі Капыльшчыны ад 7 да 12 гадоў у трох узроставых катэгорыях.
Пераможцы ў індывідуальных відах праграмы ва ўсіх узроставых групах і на ўсіх дыстанцыях узнагароджваюцца грашовымі прызамі, медалямі і граматамі, прызёры - медалямі і граматамі. Усе ўдзельнікі, якія фінішавалі, на дыстанцыі 21,1 км атрымаюць памятныя медалі фінішэра.
Аматараў актыўнага ладу жыцця чакае зарад бадзёрасці, свежых эмоцый і шмат уражанняў.
Урачыстае адкрыццё, старт і фініш спаборніцтваў пройдуць на стадыёне Капыльскага фізкультурна-аздараўленчага цэнтра. Пачатак у 11.00.
Таццяна Бохан
Крыніца «СП»
