Велапрабег пад роднымі сцягамі «У здаровым целе – здаровы дух», «Рух – камора жыцця» – менавіта гэтымі выразамі кіруюцца ратавальнікі Капыльшчыі. Сонечны дзень 13 мая не стаў выключэннем - менавіта ў гэты дзень у Капыльскім раёне адбыўся велапрабег пад роднымі сцягамі: Рэспублікі Беларусь, Капыльскага раёна і Міністэрства па надзвычайных сітуацыях. Акрамя ратавальнікаў 25-кіламетровую дыстанцыю пераадолелі і работнікі раённага аддзела ўнутраных спраў.
Маршрут велапрабегу прайшоў па наваколлях раённага цэнтра. Стартавала спартыўная акцыя ад ПАВЧ № 1 г. Капыля. Тут было зроблена памятнае фота ўсіх удзельнікаў.
Велапрабег прайшоў праз вёскі Ржаўка, Бабоўня і Кляцішча. Першай знакавай кропкай на маршруце стаў помнік, устаноўлены ў гонар воінаў-вызваліцеляў Капыльскага раёна ў в. Ржаўка. Наступным прыпынкам стаў абеліск загінуўшым салдатам у в. Бабоўня. Апошнім прыпыначным пунктам быў помнік загінуўшым партызанам у знакамітым Лаўскім баі на могілках у в. Кляцішча.
На кожным памятным месцы ўдзельнікі велапрабегу ўшанавалі памяць савецкіх воінаў, якія не вярнуліся з вайны, усклаўшы кветкі да абеліскаў у гонар іх подзвігу.
Крыніца «СП»
