Сёмы з'езд Беларускага таварыства інвалідаў (сёлета спаўняецца 35 гадоў з дня заснавання) прайшоў у рэабілітацыйна-аздараўленчым цэнтры ў Ждановічах. Удзел у ім прынялі і капыляне.
На мерапрыемстве, якое сабрала больш за 200 удзельнікаў, падвялі вынік за шасцігадовы перыяд. Урачыстым момантам сустрэчы стала ўзнагароджанне найлепшых арганізацый таварыства інвалідаў Рэспублікі Беларусь, сярод якіх і Капыльская раённая арганізацыя грамадскага аб'яднання «Беларускае таварыства інвалідаў». Яе старшыня Валентіна Лабацэвіч за шматгадовую, добрасумленную працу і значны асабісты ўклад у работу па сацыяльнай абароне інвалідаў, іх інтэграцыі ў грамадства і ў сувязі з 35-годдзем з дня ўтварэння Беларускага таварыства інвалідаў адзначана Ганаровай граматай Міністэрства працы і сацыяльнай абароны Рэспублікі Беларусь.
- Прыемна, што дзейнасць раённай арганізацыі ацэнена па заслугах. Наша арганізацыя аб'ядноўвае людзей рознага ўзросту і сваёй галоўнай задачай мы лічым стварэнне роўных з іншымі грамадзянамі магчымасцей удзельнічаць ва ўсіх сферах жыццядзейнасці, падтрымку людзей з абмежаванымі магчымасцямі і аказанне ім пасільнай дапамогі.
Таццяна Бохан
Крыніца «СП»