Што ж трэба ведаць, перш чым адправіцца адпачываць? Адказ на гэта пытанне дае намеснік начальніка Капыльскага РАУС - начальнік міліцыі грамадскай бяспекі Андрэй Трублоўскі:
— У гэты перыяд павялічваецца колькасць учыненых супрацьпраўных дзеянняў, няшчасных выпадкаў у месцах масавага адпачынку, што звязана з бестурботнасцю саміх адпачываючых, з ужываннем спіртных напояў і неадэкватным успрыманнем навакольнай рэчаіснасці, пакіданнем без нагляду непаўналетніх дзяцей, а таксама асабістай маёмасці.
Нагадваем, што адпачываючым неабходна выконваць правілы паводзінаў на вадзе, меры супрацьпажарнай бяспекі, а таксама асабістай і маёмаснай бяспекі. У месцах масавага адпачынку распіццё спіртных напояў, выраз нецэнзурнымі словамі, курэнне - забаронена. Пры наведванні месцаў масавага адпачынку ўсе адпачываючыя павінны выконваць чысціню і парадак. Зыходзячы з аналізу мінулых гадоў, некаторыя адпачываючыя пасля распівання спіртных напояў ішлі купацца, што прыводзіла да іх трагічнай гібелі.
За супрацьпраўныя дзеянні надыходзіць адміністрацыйная адказнасць згодна з Кодэксам аб адміністрацыйных правапарушэннях Рэспублікі Беларусь, а менавіта:
Артыкул 19.3. Распіццё алкагольных, слабаалкагольных напояў ці піва, спажыванне наркатычных сродкаў, псіхатропных рэчываў ці іх аналагаў у грамадскім месцы альбо з'яўленне ў грамадскім месцы ці на працы ў стане ап'янення
- Распіццё алкагольных, слабаалкагольных напояў ці піва на вуліцы, стадыёне, у скверы, парку, грамадскім транспарце ці ў іншых грамадскіх месцах, акрамя месцаў, прызначаных для ўжывання алкагольных, слабаалкагольных напояў ці піва, або з'яўленне ў грамадскім месцы ў стане алкагольнага ап'янення, якія абражаюць чалавечую годнасць і грамадскую маральнасць, цягнуць накладанне штрафу ў памеры да васьмі базавых велічынь.
- Дзеянні, прадугледжаныя часткай 1 гэтага артыкула, учыненыя паўторна на працягу аднаго года пасля накладання адміністрацыйнага спагнання за такія ж парушэнні, цягнуць накладанне штрафу ў памеры ад дзвюх да пятнаццаці базавых велічынь, або грамадскія работы, або адміністрацыйны арышт.
- З'яўленне ў грамадскім месцы ў стане, выкліканым спажываннем без прызначэння ўрача-спецыяліста наркатычных сродкаў або псіхатропных рэчываў або спажываннем іх аналагаў, таксічных або іншых адурманьваючых рэчываў, якія абражаюць чалавечую годнасць і грамадскую маральнасць, а таксама адмову ад праходжання ва ўстаноўленым парадку праверкі (агляду) на прадмет вызначэння стану, выкліканага спажываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, прыводзяць да накладання штрафу ў памеры ад пяці да дзесяці базавых велічынь.
- Знаходжанне на працоўным месцы ў працоўны час у стане, выкліканым спажываннем без прызначэння ўрача-спецыяліста наркатычных сродкаў або псіхатропных рэчываў або спажываннем іх аналагаў, таксічных або іншых адурманьваючых рэчываў, а таксама адмова ад праходжання ва ўстаноўленым парадку праверкі (агляду) на прадмет вызначэння стану, выкліканага спажываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, прыводзяць да накладання штрафу ў памеры ад васьмі да дванаццаці базавых велічынь.
- Спажыванне без прызначэння ўрача-спецыяліста наркатычных сродкаў або псіхатропных рэчываў у грамадскім месцы або спажыванне іх аналагаў у грамадскім месцы, а таксама адмова ад праходжання ва ўстаноўленым парадку праверкі (агляду) на прадмет вызначэння стану, выкліканага спажываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, прыводзяць да накладання штрафу ў памеры ад дзесяці да пятнаццаці базавых велічынь.
Артыкул 24.42. Кодэкса аб адміністрацыйных правапарушэннях прадугледжана адказнасць за купанне ў забароненых месцах рэк, азёр або іншых вадаёмаў. Правапарушальнік будзе пакараны штрафам у памеры да трох базавых велічынь
Прыбыўшы ў месцы масавага адпачынку на асабістым аўтатранспарце, яго неабходна пакідаць на спецыяльна абсталяваных стаянках. За парушэнне гэтага патрабавання прадугледжана адміністрацыйная адказнасць па частцы 1 артыкула 18.18. КоАП Рэспублікі Беларусь. Правапарушальнік будзе пакараны штрафам у памеры адной базавай велічыні.
Па ўсіх пытаннях, якія маюць дачыненне да праваахоўнай дзейнасці, неабходна звяртацца ў Капыльскі РАУС па тэлефонах: 102, 25-1-98.
Падрыхтавала Дзіяна ТКАЧЭНКА
Крыніца «СП»