Удзельнікамі фотаконкурсу могуць быць прафесійныя і непрафесійныя фатографы. Прымаюцца фатаграфіі, якія паказваюць чалавечае імкненне жыць у міры і згодзе, імкненне да множання прыгажосці і дабра ў нашым жыцці.
Пераможныя і прызавыя месцы прысуджаюцца тым фатаграфіям, якія найлепшым чынам адлюстроўваюць ідэю, што наша будучыня заключаецца ў мірным суіснаванні. Прадугледжаны таксама і прыз глядацкіх сімпатый.
Свае працы можна прадставіць на суд журы ў адной з наступных намінацый.
«Капыльшчына - утульны куток» - тут патрэбны фотаработы, якія адлюстроўваюць прыгажосць, разнастайнасць і ўнікальнасць прыродных ландшафтаў, помнікаў архітэктуры, славутасцяў нашага раёна. Яшчэ адна намінацыя - «У працы нараджаюцца героі», адлюстроўваючая любы працоўны працэс. І заключная - «Свята прыйдзе - гасцей на Капыльшчыну прывядзе» - фота святочных мерапрыемстваў, якія праводзiлiся ў Капыльскім раёне ў 2022 г. - першым квартале 2023 г. (святочныя даты, традыцыі, абрады і г. д.).
Ацэнка работ фотаконкурсу праводзіцца па наступных крытэрах: арыгінальнасць сюжэту фотаздымка, раскрыццё тэмы намінацыі, мастацкая і тэхнічная якасць здымка, каларыт і нагляднасць. Фотаздымкі прымаюцца да 1 жніўня 2023 года ў ДУ «Рэдакцыя газеты «Слава працы» і праграмы радыёвяшчання «Раніца Капыльшчыны» па электроннай пошце: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. з пазнакай «Фотаконкурс «Капыльшчына на шляху міру і стварэння» альбо на флэш-карце па адрасе: г.Капыль, вул. Трактарная, д. 2а.
Шукайце тую намінацыю, якая вам па душы і падавайце заяўкі на ўдзел. А мы жадаем Вам натхнення!
Таццяна БОХАН
Крыніца «СП»