Дзяржаўная лясная ахова пераведзена на ўзмоцненае дзяжурства і бесперапыннае патруляванне ляснога фонду.
Так, спецыялістамі Капыльскага доследнага лясгаса праведзена 14 палявых мерапрыемстваў, 15 рэйдаў, зроблена 20 папярэджанняў грамадзянам. Лясной аховай на пастаяннай аснове праводзіцца тлумачальная работа з насельніцтвам.
З пачатку пажаранебяспечнага сезона ў лясным фондзе Мінскага ДВЛГА па стане на пятага чэрвеня адбылося 64 лясныя пажары і загаранні на агульнай плошчы 10,6 га.
Неабходна звярнуць увагу, што асноўнай прычынай узнікнення пажараў з'яўляецца неасцярожнае абыходжанне з агнём і выпальванне сухой травяністай расліннасці.
НАГАДАЕМ!!!
За парушэнне патрабаванняў рашэнняў мясцовых выканаўчых і распарадчых органаў аб забароне на наведванне лясоў у адпаведнасці з артыкулам 16.21 КоАП Рэспублікі Беларусь прадугледжана адміністрацыйная адказнасць у выглядзе штрафу да 12 базавых велічынь.
Пры выяўленні ляснога пажару неабходна прыняць меры да яго ліквідацыі і неадкладна перадаць інфармацыю працаўнікам дзяржаўнай лясной аховы ці ў МНС.
Як карыстацца картай забарон і абмежаванняў на наведванне лясоў?
Міністэрства лясной гаспадаркі Рэспублікі Беларусь звяртае ўвагу на апублікаваную інтэрактыўную Карту забарон і абмежаванняў на наведванне лясоў у раёнах Рэспублікі Беларусь..
Для ўдакладнення інфармацыі націсніце на цікавячы Вас раён, азнаёмцеся або запампуйце рашэнне раённага выканаўчага камітэта, у якім указана неабходная інфармацыя аб абмежаваннях або забаронах.
ЗВЯРТАЕМ УВАГУ:
Зялёны (I-II клас) – наведванне дазволена
Жоўты (III клас) – наведванне абмежаванае
Чырвоны (IV-V клас) – наведванне забаронена
Пры забароне забаронена:
- знаходжанне грамадзян на тэрыторыі ляснога фонду;
- уезд на тэрыторыю ляснога фонду транспартных сродкаў, за выключэннем транспартных сродкаў юрыдычных асоб, якія вядуць лясную гаспадарку, органаў, якія ажыццяўляюць кантроль, і сіл забеспячэння нацыянальнай бяспекі;
- правядзенне на тэрыторыі ляснога фонду работ, не звязаных з вядзеннем лясной гаспадаркі.
Просім улічваць дадзеную інфармацыю!