Удзельнікамі віктарыны сталі аматары рускай літаратуры і славеснасці любога ўзросту, знаўцы славянскіх культур і ўсе ахвочыя. Анлайн-фармат віктарыны дазволіў аб'яднаць літаратурных экспертаў з усіх краін і рэгіёнаў свету. Па выніках Ганна ўдастоена дыплома знаўцы.
Арганізатарамі анлайн-віктарыны сталі Дзяржаўны інстытут рускай мовы ім. А.С. Пушкіна (Масква) і Магілёўскі абласны краязнаўчы музей ім. А.Р. Раманава пры ўдзеле і інфармацыйнай падтрымцы Беларуска-расійскага ўніверсітэта, гарадскога аддзялення Рэспубліканскага грамадскага аб'яднання «Рускае грамадства».
Акрамя таго, Ганна таксама прыняла ўдзел у Міжнародным Пушкінскім конкурсе «Што ў імені табе маім?», які праводзіцца штогод і прымеркаваны да святкавання гадавіны з дня нараджэння А.С. Пушкіна.
Удзельнікаў конкурсу аб'ядноўваюць паэтычнае натхненне, імкненне да творчасці і велізарная любоў да рускага слова. Арганізатарам конкурсу з'яўляецца Дзяржаўны інстытут рускай мовы ім. А.С. Пушкіна (г. Масква).
Намінацыі конкурсу далі ўдзельнікам магчымасць прадэманстраваць дасягненні ў вывучэнні рускай мовы, паказаць веданне твораў А.С. Пушкіна, праявіць артыстычныя здольнасці і творчы крэатыў. Канкурсанты з розных краін свету прадставілі на суд журы відэазапісы дэкламацыі вершаў, тэатралізаваных ці музычных прадстаўленняў паводле твораў А.С. Пушкіна, творчыя працы і прэзентацыі.
Ганна стала пераможцай у намінацыі «Помнік Пушкіну ў маёй краіне» і ўзнагароджана дыпломам.
Поспехаў юнаму літаратару!
Таццяна Нядзелька,
пазаштатны карэспандэнт «СП»
Крыніца «СП»