Гандлёвыя лакацыі будуць працаваць да 10 верасня. Школьныя кірмашы пачалі працаваць з 1 ліпеня штодня г. Капыль у краме «Дзіцячы свет» (Капыльскае райспажыўтаварыства), магазін «Дракоша» (ІП Чарняўская В.Г.) і з 15 ліпеня па выхадных днях у магазінах Капыльскае райспажыўтаварыства ў сельскіх населеных пунктах. Таксама ў гандлёвых аб'ектах, магазінах прадугледжана стварэнне куткоў школьніка. Для зручнасці пакупнікоў арганізуюцца дадатковыя гандлёвыя месцы, выставы-продажы тавараў для школы.
З 19 жніўня ў асобных гарадах (Барысаў, Жодзіна, аграгарадок Лясны Мінскага раёна, Маладзечна, Слуцк, Салігорск) пройдуць маштабныя школьныя кірмашы, дзе жыхарам прапануюць шырокі асартымент канцылярыі, кніжнай прадукцыі, адзення дзелавога стылю, абутку. Таксама ў праграме будуць дэманстрацыі мадэляў, забаўляльныя мерапрыемствы.
У крамах і на кірмашах шырока прадстаўлены тавары беларускіх вытворцаў. Арыенціровачны кошт камплекта адзення і абутку дзелавога стылю: для навучэнцаў 1-4-х класаў - Br150-400; 5-6-х класаў - Br180-440 (для хлопчыкаў), Br170-450 (для дзяўчынак); старшакласнікаў - Br240-550 (для хлопчыкаў), Br200-500 (для дзяўчынак). Набор школьна-пісьмовых і канцылярскіх прылад абыйдзецца бацькам ад Br70-130 (для 1-4-х класаў), Br80-140 (5-9-х класаў). Кошт залежыць ад шматлікіх фактараў: памеру, мадэлі і фасону вырабу, матэрыялаў і інш.
