Анастасія Давыдзенка віншуе Паўла Рудзеню
Таццяна Додзь з ААТ «Семежава» працуе на ўборачнай разам са сваім бацькам Аляксандрам. Дзяўчына - першы малады камбайнер, на рахунку якой больш за 1000 тон свежага ўраджаю. Вядома, не без дапамогі таты. Аднак у першай запаветнай тысячы ёсць ільвіная доля і Таццянінай заслугі. Словы падзякі і ўзнагароды сямейны экіпаж прымаў на хлебнай ніве, толькі на некалькі хвілін адарваўшыся ад працы.
Праект «Моладзь за ўраджай» праходзіць у Капыльскім раёне ў перыяд уборачнай кампаніі не першы год. Традыцыйна раённы камітэт «БРСМ» заахвочвае маладых людзей, занятых на ўборцы ўраджаю. Удзельнікамі праекта з'яўляюцца экіпажы, камбайнеры і вадзіцелі.
Крысціна ЖОГАЛЬ