Аднак падрыхтоўка школьніка да новага навучальнага года здольна сур'ёзна ўдарыць па бюджэце сям'і. Многія сем'і маюць патрэбу ў фінансавай падтрымцы, але не ведаюць, што яна ім належыць. Растлумачваем, каму і куды ісці па дапамогу да новага навучальнага года.
Першая катэгорыя: шматдзетныя
Вiд падтрымкі: аднаразовая матэрыяльная дапамога.
Куды звяртацца: Капыльскі ТЦСАН.
Такую дапамогу ў нашым рэгіёне атрымаюць 352 шматдзетныя сем'і на 733 навучэнцаў, якія навучаюцца ва ўстановах агульнай сярэдняй і спецыяльнай (на ўзроўні агульнай сярэдняй) адукацыі. Памер матэрыяльнай дапамогі складзе 109,32 рублёў на аднаго навучэнца (30% бюджэту пражытачнага мінімуму ў сярэднім на душу насельніцтва, які дзейнічае на 1 жніўня каляндарнага года). Другая выплата чакаецца ў канцы жніўня, у яе будуць уключаны першакласнікі, а таксама дзеці, якія не паступілі ў адукацыйныя ўстановы, якія ажыццяўляюць навучанне па праграмах сярэдняй прафесійнай адукацыі. Не ажыццяўляецца выплата гэтай дапамогі на дзяцей, якія навучаюцца ва ўстановах прафесійна-тэхнічнай, сярэдняй спецыяльнай і вышэйшай адукацыі і іншых установах па падрыхтоўцы кадраў, а таксама дзяцей, якія знаходзяцца на поўным дзяржаўным забеспячэнні.
Дарэчы, шматдзетныя сем'і таксама маюць пэўныя льготы па аплаце за школьныя падручнікі і школьнае харчаванне. У прыватнасці, памер платы за падручнікі для дзяцей са шматдзетных сем'яў складае 50 працэнтаў ад поўнай сумы. Каб скарыстацца льготай, ва ўстанову адукацыі неабходна прадставіць копію пасведчання шматдзетнай сям'і і напісаць заяву на імя кіраўніка школы.
«Паколькі мая сям'я таксама з'яўляецца шматдзетнай, то прызнаюся: прадастаўленне аднаразовай матэрыяльнай дапамогі да новага навучальнага года - істотная падтрымка для сям'і. Яшчэ ў канцы чэрвеня супрацоўнікі ТЦСАН патэлефанавалі і нагадалі, што час сабраць неабходныя даведкі і пісаць заяву. Марнаванняў да школы маецца быць шмат, таму важна любая падтрымка.
Другая катэгорыя: малазабяспечаныя
Вiд падтрымкі: дзяржаўная адрасная сацыяльная дапамога.
Куды звяртацца: у службу «адно акно» райвыканкама ці ва ўпраўленне па працы, занятасці і сацыяльнай абароне райвыканкама ў адпаведнасці з рэгістрацыяй па месцы жыхарства аднаго з бацькоў.
Фінансавая дапамога на набыццё адзення, абутку, канцылярыі для школьнікаў прадастаўляецца як у выглядзе аднаразовай дапамогі, так і штомесячнай сацыяльнай, малазабяспечаным сем'ям, у тым ліку і шматдзетным. Памер выплаты вызначаецца раённай камісіяй у кожным выпадку індывідуальна, зыходзячы з даходу сям'і, а таксама канкрэтнай жыццёвай сітуацыі.
Да малазабяспечаных адносяцца тыя, чый даход на кожнага члена сям'і па аб'ектыўных прычынах ніжэйшы за крытэрый патрэбнасці — бюджэту пражытачнага мінімуму ў сярэднім на душу насельніцтва (сёння гэта 364,40 рублi). А калі сям'я шматдзетная, то гэта не больш за 1,15 велічыні крытэрыю патрэбнасці, гэта значыць менш за 419,06 рублёў. Для аднаразовага ж крытэра даход на кожнага члена сям'і не павінен перавышаць 546,60 рублёў.
Трэцяя катэгорыя: працуючыя бацькі
Вiд падтрымкі: дапамога да школы па месцы працы.
Куды звяртацца: да свайго кіраўніка ці прафсаюзнага лідэра арганізацыі.
Тым, хто выхоўвае дзяцей-школьнікаў, дапамога можа быць аказана па месцы працы. Усё залежыць ад фінансавых магчымасцей канкрэтнага прадпрыемства і сацыяльнай палітыкі. Бонусы да новага навучальнага года прапісаны ў калектыўных дагаворах, лакальных актах наймальніка.
Чацвертая катэгорыя: прыёмныя сем'і і з дзецьмі-інвалідамі, сем'і мігрантаў, малазабяспечаныя, а таксама тыя, хто апынуўся ў цяжкай жыццёвай сітуацыі
Вiд падтрымкі: дабрачынная дапамога.
Куды звяртацца: у Капыльскі ТЦСАН, раённыя грамадскія арганізацыі і аб'яднанні.
Традыцыйна па ўсёй краіне праходзяць розныя акцыі, кірмашы і дабрачынныя мерапрыемствы, мэтай якіх таксама з'яўляецца аказанне падтрымкі сем'ям з дзецьмі. Напрыклад, Беларускі Чырвоны Крыж сумесна з арганізацыямі-партнёрамі па ўсёй краіне праводзіць штогадовую маштабную дабрачынную кампанію «Збяром дзяцей у школу», накіраваную на збор канцылярскіх тавараў для вучобы дзецям з сем'яў, якія знаходзяцца ў сацыяльна небяспечным становішчы, дзецям з інваліднасцю, з сем'яў бежанцаў і вымушаных мігрантаў з Украіны, а таксама іншым дзецям, якія маюць патрэбу ў дапамозе. Далучыцца да акцыі можа кожны ахвочы. Можна зрабіць ахвяраванне праз сістэму АРІП па кодзе акцыі 222 альбо перадаць загадзя набытыя школьныя прылады ў РА «Беларускі Чырвоны Крыж».
А вось валанцёры БРСМ далі старт дабрачыннай акцыі «У школу з добрым сэрцам». Будзе арганізаваны збор і перадача канцылярскіх і спартыўных прылад, іншых неабходных для падрыхтоўкі да маючага адбыцца навучальнага года рэчаў маючым патрэбу шматдзетным, няпоўным сем'ям, а таксама сем'ям, якія трапілі ў складаную жыццёвую сітуацыю, якія адчуваюць цяжкасці пры падрыхтоўцы дзяцей да навучальнага года, і дзіцячым інтэрнатным установам.
Свой уклад унёс і Капыльскі ТЦСАН, правёўшы акцыю «Ідзем у школу разам». Для сем'яў, якія выхоўваюць дзяцей-інвалідаў, і малазабяспечаных сем'яў, якія атрымалі дзяржаўную адрасную сацыяльную дапамогу ў першым паўгоддзі 2023 года, былі перададзены панчошна-шкарпэткавыя вырабы.
Таццяна Бохан
Фота аўтара
Крыніца «СП»
