Пасля мірнай Рыжскай дамовы ўся Заходняя частка Беларусі апынулася пад уладай палякаў, якія імкнуліся правесці хуткі працэс асіміляцыі і выкараніць на захопленых тэрыторыях беларускую культуру, мову, грамату, праваслаўную веру.
Галоўны герой - малады беларус Павел, жыве са сваёй маці каля мяжы Заходняй Беларусі і БССР. Мірны дагавор не прынёс спакою ў краіну. Беларусы не змірыліся з польскай акупацыяй. Ужо чатыры гады на Заходняй Беларусі адбываюцца хваляванні, ідзе партызанская вайна, працуюць агенты савецкай разведкі. А спробы мясцовых жыхароў адстаяць хоць бы ўласную веру і царкву, якую ўлады забіраюць пад склад, сканчаюцца жорсткім прыгнётам…
