Нагадваем: у дні правядзення спецмерапрыемстваў транспартным сродкам у светлы час сутак неабходна рухацца з уключаным блізкім святлом фар для прыцягнення ўвагі ўсіх удзельнікаў дарожнага руху.
Супрацоўнікі міліцыі грамадскай бяспекі, педагогі і бацькі аб'яднаюць свае намаганні: запланаваны мерапрыемствы, закліканыя нагадаць непаўналетнім аб неабходнасці захавання правілаў бяспечных паводзін на дарозе.
Не меншую ўвагу надаюць прафілактычнай працы з дарослымі. Міліцыянеры наведаюць працоўныя калектывы, дзе растлумачаць прычыны і наступствы ДТЗ з удзелам дзяцей, нагадаюць аб правілах бяспечнай перавозкі непаўналетніх, адказнасці за парушэнні ПДР, а таксама пра важнасць асабістага прыкладу.
Акрамя таго, 25 жніўня па ўсёй краіне пройдзе Адзіны дзень бяспекі дарожнага руху пад дэвізам "Увага, бацькі - скончыліся канікулы!".
АДАІ Капыльскага РАУС
