Пройдзе культурна-сельскагаспадарчае свята «Уладар ураджаю»: будуць арганізаваны выстава сельскагаспадарчай тэхнікі, кірмаш «Беларускі агарод смачна корміць круглы год» - кожны рэгіён вобласці прадставіць выставу кошыкаў. Гасцей парадуе каравайная пляцоўка, дзе будуць прадстаўлены караваі і снапы новага ўраджаю з кожнага раёна Мінскай вобласці. І гэта толькі невялікая частка таго, што на выхадных можна будзе ўбачыць у Салігорску.
На галоўнай сцэне пройдзе ўзнагароджанне пераможцаў фестывалю-кірмашу працаўнікоў вёскі «Дажынкі-2023» і лепшых работнікаў аграпрамысловага комплексу вобласці. На малой сцэне адбудзецца ўшанаванне хлебаробаў Міншчыны. У гэты дзень таксама адкрыюць спартыўны манеж спартыўнага комплексу «Шахцёр» ААТ «Беларуськалій».
Пасля насычанай дзённай праграмы жыхароў і гасцей Салігорска чакае святочны канцэрт. Трохі прыадчынім заслону вячэрняга шоў. У суботу на цэнтральнай плошчы Салігорска чакаецца выступленне зорак беларускай эстрады: Жанет і Алены Ланской, вакальнай групы «Чысты голас», арт-групы «Беларусы», арт-праекта «BRAND.BY». Хэдлайнерам свята стане расійскі гурт «Іванушкі International». Завершыцца святочны дзень лазерным шоу і святочным феерверкам.
У праграме:
11: 00 – праца тэматычных пляцовак, гандлёвых шэрагаў, горада майстроў, эка-арт выставы, інтэрактыўных зон – Цэнтральная плошча, парк «Чатырох стыхій», вуліцы Леніна, Казлова і Каржа, пляцоўка каля ААТ «Беларуськалій»;
14: 00-15: 30 – Урачыстая цырымонія ўзнагароджання работнікаў АПК Мінскай вобласці - малая сцэна, паркоўка каля ААТ «Беларуськалій»;
15: 00-15: 50 – дэманстрацыя сукенак-канструкцый рэгінаў Мінскай вобласці «Міншчына гасцінная» (Частка 1) – каравайная зона, Цэнтральная плошча;
16:00-17:30 – Урачыстая цырымонія ўзнагароджання пераможцаў спаборніцтва па ўборцы ўраджаю 2023 года - галоўная сцэна, Цэнтральная плошча;
17: 30-18:30 – дэманстрацыя сукенак-канструкцый рэгінаў Мінскай вобласці «Міншчына гасцінная» (Частка 2) (Цэнтральная плошча, каравайная зона);
18: 30-21:30 – канцэрт зорак беларускай эстрады: заслужаныя артысты Рэспублікі Беларусь Жанет і Алёна Ланская, Заслужаны калектыў Рэспублікі Беларусь вакальны гурт «Чысты голас», арт-гурт «Беларусы», арт-праект «BRAND.BY», гурт «Іванушкі International» і іншыя – галоўная сцэна, Цэнтральная плошча;
21:30 – святочны феерверк - Цэнтральная плошча;
21: 40-00:00 – Дыскатэка. Выступ Рэтра Вумен Трыо «Ружовыя ружы» – галоўная сцэна, Цэнтральная плошча.
