У ходзе акцыі нясенне службы супрацоўнікамі міліцыі грамадскай бяспекі ажыццяўляецца сумесна з членамі добраахвотных дружын, іншых грамадскіх фарміраванняў паблізу месцаў масавага руху пешаходаў – прыпынкі грамадскага транспарту, нерэгулюемыя пешаходныя пераходы, пешаходныя зоны паблізу магазінаў і г.д. Таксама на кантролі праваахоўнікаў – вуліцы населеных пунктаў, участкі аўтамабільных дарог, найбольш схільных рызыцы здзяйснення наездаў на пешаходаў, асабліва ў «гадзіны пік» і цёмны час сутак.
Асаблівую небяспеку на праезнай частцы або паблізу яе ствараюць пешаходы ў стане ап'янення. Яны паводзяць сябе нелагічна, неасцярожна, а часам і агрэсіўна. Маюць месца выпадкі, калі нецвярозыя пешаходы выбіраюць для свайго адпачынку праезную частку, такія аварыі заканчваюцца цяжкімі наступствамі.
Паважаныя ўдзельнікі дарожнага руху! Калі вы бачыце паблізу праезнай часткі пешахода з прыкметамі ап'янення, які відавочна ўяўляе небяспеку для руху, просім Вас неадкладна паведаміць на тэлефонную лінію 102.
Нагадваем, што згодна з арт. 18.20 Кодэкса аб адміністрацыйных правапарушэннях Рэспублікі Беларусь:
- у дачыненні да пешахода, які ў цёмны час сутак рухаецца па праезнай частцы, не пазначыўшы сябе флікерам, прымяняюцца штрафныя санкцыі ў памеры ад 1 да 3 базавых велічынь або папярэджанне. Калі парушэнне ім правілаў дарожнага руху пацягнула стварэнне аварыйнай сітуацыі, то памер штрафу складае ад 3 да 8 базавых велічынь. На суму ад 3 да 5 базавых велічынь штрафуецца пешаход, калі ён знаходзіцца на дарозе ў стане ап'янення. У выпадку, калі парушэнне правілаў дарожнага руху пацягнула прычыненне пацярпеламу лёгкага цялеснага пашкоджання, альбо пашкоджання транспартнага сродку, грузу, дарожнага пакрыцця, дарожных і іншых збудаванняў ці іншай маёмасці, вінаваты падвяргаецца штрафу ад 5 да 20 базавых велічынь.
Паважаныя вадзіцелі! Пры набліжэнні да пешаходнага пераходу вам варта загадзя знізіць хуткасць, павысіць увагу, ацаніць умовы бачнасці і агляду. Неабходна быць гатовым да прыпынку і прапусціць пешаходаў, пачынаючых альбо завяршаючых пераход. Каб забяспечыць бяспеку пры праездзе нерэгуляванага пешаходнага пераходу, варта ўлічваць паводзіны пешаходаў, павышаючы ўвагу і зніжаючы хуткасць.
У сваю чаргу, пешаходам перад пачаткам пераходу праезнай часткі неабходна паглядзець па баках, пераканаецца, што выхад на праезную частку дарогі бяспечны, што кіроўцы вас заўважылі і паспелі спыніць транспартныя сродкі. І яшчэ адно важнае правіла вашай бяспекі - не забывайце пазначаць сябе святлоадбівальнымі элементамі ў цёмны час сутак, а таксама ва ўмовах дрэннай бачнасці.
Беражыце сябе і сваіх блізкіх!
АДАІ Капыльскага РАУС