Пышны і духмяны хлеб Капыльшчыны пастаяльцам перадалі першы намеснік старшыні - начальнік упраўлення па сельскай гаспадарцы і харчаванні райвыканкама Віталь Ракевіч і намеснік старшыні райвыканкама Святлана Маліноўская.
– Па добрай традыцыі, якая захоўваецца на Капыльшчыне, нам выпаў гонар выканаць адну з высакародных місій, – гаворыць Віталь Аляксандравіч. - У мінуўшыя выхадныя абласное свята працаўнікоў вёскі сабрала ўсіх прадстаўнікоў сельскагаспадарчай сферы. Кожны раён, у тым ліку і Капыльскі, прадстаўляў свой ураджай і цудоўныя выставы. Таму перадаць часцінку атмасферы свята мы вырашылі і вам. Сёння на ваш стол прывезлі каравай ураджаю 2023 года і сельскагаспадарчы кошык, каб вы ўсе разам змаглі ўбачыць і паскаштаваць, чым багатая капыльская зямля.
Наталля ДАВЫДЗЕНКА
Фота аўтара
«СП»
