У Рэспубліцы Беларусь сістэматычна дапускаюцца парушэнні парадку выкарыстання паветранай прасторы з ужываннем авіямадэляў і беспілотных лятальных апаратаў (далей – БПЛА). Асноўнай прычынай гэтаму служыць няведанне або ігнараванне ўладальнікамі названых лятальных апаратаў патрабаванняў заканадаўства па арганізацыі і выкананні палётаў. Як пазбегнуць парушэнняў заканадаўства, расказвае першы намеснік начальніка Капыльскага РАУС падпалкоўнік міліцыі Дзмітрый Ліпніцкі:
– Згодна з артыкулам 1 Паветранага кодэкса Рэспублікі Беларусь пад БПЛА разумеецца паветранае судна, прызначанае для выканання палёту без экіпажа на борце.
У адпаведнасці з палажэннямі Указа Прэзідэнта Рэспублікі Беларусь ад 25.08.2016 г. №81 «Аб выкарыстанні авіямадэляў» пад авіямадэллю разумеецца лятальны апарат без чалавека на борце, кіраванне палётам якога магчыма толькі пры ўмове візуальнага кантакту з ім, а таксама некіраваны свабодналётаючы апарат. Парадак выкарыстання авіямадэлей у Рэспубліцы Беларусь устаноўлены Правіламі выкарыстання авіямадэляў у Рэспубліцы Беларусь, зацверджанымі пастановай Савета Міністраў Рэспублікі Беларусь нумар 636 ад 16.08.2016.
Капыльскі РАУС нагадвае, што згодна з патрабаваннямі Правілаў выкарыстання авіямадэляў у Рэспубліцы Беларусь забараняецца выкарыстанне авіямадэляў:
– на вышыні большай за 100 метраў ад узроўню зямной (воднай) паверхні;
– у межах зон, забароненых для выкарыстання БПЛА, без узгаднення з дзяржаўнымі органамі або арганізацыямі, у інтарэсах якіх устаноўлены такія зоны;
– у выпадках, якiя вызначаюцца Службай Бяспекі Прэзідэнта Рэспублікі Беларусь у адпаведнасці з Законам Рэспублікі Беларусь «Аб дзяржаўнай ахове»;
– агульнай масай больш за 0,5 кг без адпаведнай маркіроўкі авіямадэлі;
– Пунктам 103 Авіяцыйных правілаў палётаў у паветранай прасторы Рэспублікі Беларусь палёты беспілотных лятальных апаратаў над населенымі пунктамі, за выключэннем сельскіх.
Патрабаванні для ўладальнікаў БПЛА:
– практычна ўсе БПЛА павінны прайсці працэдуру пастаноўкі на дзяржаўны ўлік у Дэпартаменце грамадзянскай авіяцыі з атрыманнем унікальнага ўліковага нумара (па аналогіі з бартавым нумарам самалёта);
– аператар дрону ў залежнасці ад мэты і месца ажыццяўлення палётаў павінен прайсці навучанне;
– для ажыццяўлення палётаў трэба заключыць дагавор з РУП «Белаэранавігацыя» і падаваць туды заяўкі на выкарыстанне паветранай прасторы;
– калі вы збіраецеся ажыццяўляць фота- і відэаздымку з выкарыстаннем камеры, устаноўленай на стабілізаванай платформе, то вам спатрэбіцца яшчэ і дазвол Генеральнага штаба Узброеных сіл Рэспублікі Беларусь.
Парушэнне правілаў выкарыстання паветранай прасторы цягне за сабой адміністрацыйную адказнасць па арт. 18.35 КоАП Рэспублікі Беларусь (парушэнне правілаў выкарыстання паветранай прасторы або правілаў выкарыстання авіямадэляў) і цягне накладанне штрафу ў памеры да дваццаці базавых велічынь, а на юрыдычную асобу - да пяцідзесяці базавых велічынь.
Акрамя таго, на тэрыторыі Рэспублікі Беларусь рэгіструюцца выпадкі асляплення з зямлі крыніцамі лазернага выпраменьвання экіпажаў паветраных суднаў грамадзянскай авіяцыі. Як правіла, названыя падзеі адбываюцца ў вячэрні час і могуць прывесці не толькі да часовай або поўнай страты зроку пілотаў, але і як следства - да катастрофы паветраных суднаў, у тым ліку да пагрозы жыццю і здароўю грамадзян. Звычайна дадзеныя дзеянні ў дачыненні да паветраных суднаў здзяйсняюцца з выкарыстаннем лазерных указак, якія можна набыць у свабодным продажы ў гандлёвай сетцы.
У адпаведнасці з крымінальным кодэксам Рэспублікі Беларусь падобныя дзеянні змяшчаюць прыкметы арт. 147 КК Рэспублікі Беларусь (наўмыснае прычыненне цяжкага цялеснага пашкоджання) караецца абмежаваннем свабоды на тэрмін ад 3 да 5 гадоў або пазбаўленнем свабоды на тэрмін ад 4 да 8 гадоў, арт. 309 КК Рэспублікі Беларусь (наўмыснае прывядзенне ў непрыдатнасць транспартнага сродку або шляхоў зносін) караецца штрафам або арыштам, або абмежаваннем волі на тэрмін да трох гадоў, або пазбаўленнем волі на той жа тэрмін, арт. 339 КК Рэспублікі Беларусь (хуліганства) караецца грамадскімі працамі, або штрафам, або папраўчымі работамі на тэрмін да двух гадоў, або арыштам, або пазбаўленнем волі на тэрмін да двух гадоў.
Дыяна ТКАЧЭНКА
«СП»
