Дыялогавая пляцоўка, на якой абмяркоўвалі адзінства беларускага народа як асноватворны фактар захавання і ўмацавання суверэнітэту краіны, сабрала ў зале пасяджэнняў райвыканкама ідэалагічны актыў раёна, намеснікаў дырэктароў школ па выхаваўчай, вучэбна-выхаваўчай рабоце, старшынь раёнаў.
Намеснік старшыні райвыканкама Святлана Маліноўская адзначыла, што, прайшоўшы праз боль страт Вялікай Айчыннай вайны, адчуваючы на сабе інфармацыйны і санкцыйны ціск, мы захавалі тое, што ніколі нельга аддаць і чым нельга паступіцца — нашу Беларусь , дзе мы застаемся адзіным народам.
З асаблівай цікавасцю ўдзельнікі мерапрыемства ўспрынялі выступленні дырэктара - галоўнага рэдактара выдавецкага дома «Беларусь сегодня» Дзмітрыя Жука, а таксама журналіста, публіцыста, пісьменніка Андрэй Мукавозчыка. Спікеры расказалі аб бесперапынных спробах заходніх краін дэзінтэграваць беларускае грамадства, падкрэслілі неабходнасць захавання гістарычнай памяці як асновы ўмацавання незалежнасці і суверэнітэту беларускай дзяржавы, асаблівую ўвагу звярнулі на павагу і любоў да роднай зямлі і яе гісторыі.
Прысутныя не толькі ўважліва слухалі спікераў, але і, скарыстаўшыся магчымасцю, задавалі пытанні. Удзельнікі дыялогу абмеркавалі актуальныя пытанні знешняй і ўнутранай палітыкі Рэспублікі Беларусь, пагаварылі аб дзяржаўных сімвалах і іх значэнні. У прыватнасці, закраналіся аспекты ваеннай і эканамічнай бяспекі, прычыны сусветных канфліктаў і ролі Беларусі як міратворцы ў рэгіянальных працэсах. Аўтары найбольш цікавых пытанняў атрымалі кнігі «Чаму вучыць дзяцей» і «Чаму вучыць дарослых» з подпісам аўтара Андрэя Мукавозчыка.
Падводзячы вынікі сустрэчы, Дзмітрый Жук адзначыў:
— Размова атрымалася жывая і цікавая. Людзі цікавіліся і задавалі пытанні. І гэта кажа пра найважнейшае - аб іх неабыякавасці.
— Калі пасля заканчэння сустрэчы выходзіла з залы, адчувала, наколькі падзарадзілася станоўчай энергіяй — энергіяй стварэння, — падзялілася ўражаннямі намеснік дырэктара па выхаваўчай рабоце СШ №3 г. Капыля Ірына Лазоўская. — З дыялогу я ўзяла нешта новае для сябе, каб пасля расказаць пра гэту сустрэчу вучням.
Таццяна Бохан. Фота аўтара
«СП»
