Падчас мерапрыемстваў асаблівыя намаганні супрацоўнікаў міліцыі будуць накіраваны на праверку ўмоў захоўвання агнястрэльнай зброі па месцы жыхарства іх уладальнікаў, аказанне садзейнічання дзяржаўным органам, якія ажыццяўляюць кантроль за вядзеннем паляўнічай гаспадаркі і паляваннем, вядзеннем рыбалоўнай гаспадаркі і рыбалоўствам, у правядзенні сумесных мерапрыемстваў. Акрамя таго, будзе актывізавана работа па канфіскацыі ў насельніцтва зброі, боепрыпасаў, выбуховых прыстасаванняў і выбуховых рэчываў, якая захоўваецца незаконна.
— Не варта забываць, што за незаконны абарот зброі, боепрыпасаў, выбуховых прыстасаванняў і выбуховых рэчываў устаноўлена крымінальная адказнасць з пазбаўленнем волі на тэрмін да дванаццаці гадоў. За бягучы перыяд 2023 года ў выніку праведзеных мерапрыемстваў з абароту канфіскавана 1 адзінка незарэгістраванай гладкаствольнай зброі, 8 адзінак зарэгістраванай зброі і 72 боепрыпасы, - удакладняе старшы інспектар па дазвольнай рабоце ААПП Капыльскага РАУС - Вольга Сяргеева. - Добраахвотна здадзена 2 адзінкі незарэгістраванай зброі, 1 адзінка зарэгістраванай зброі і 13 боепрыпасаў. Да адміністрацыйнай адказнасці за правапарушэнні звязаныя з абаротам зброі, прыцягнута 4 грамадзяніна з іх 1 за парушэнне правілаў захоўвання зброі (арт.24.30 КоАП РБ) і 3 грамадзян за парушэнні тэрмінаў перарэгістрацыі зброі (арт. 24.31 КоАП РБ). За правапарушэнні ў сферы абароту грамадзянскай зброі прыцягнута да адміністрацыйнай адказнасці 4 грамадзяніна, учынена два злачынствы па арт.295 КК Рэспублікі Беларусь (незаконныя дзеянні ў адносінах да агнястрэльнай зброі, боепрыпасаў і выбуховых рэчываў), канфіскавана 1 адзінка незарэгістраванай агнястрэльнай зброі; анулявана 3 дазволы на права захоўвання і нашэнні агнястрэльнай зброі. Ва ўладальнікаў было канфіскавана 8 адзінак зарэгістраванай зброі па розных прычынах (з прычыны смерці яе ўладальнікаў, узбуджэнне крымінальнай справы, учыненне адміністрацыйных правапарушэнняў) і 72 боепрыпасы рознага калібру.
Асноўную масу канфіскаванай незарэгістраванай зброі складае гладкаствольная зброя. Аналіз крыніц паступлення зброі ў ценявы абарот паказвае, што большая яе частка знаходзілася ў насельніцтва да ўвядзення рэгістрацыі зброі, засталася пасля смерці іх бацькоў, сваякоў, знойдзена ў старых домаўладаннях, лясных масівах і набыта ў іншых асоб.
Нагадваем, што ўсе грамадзяне, якія добраахвотна здалі незарэгістраваную агнястрэльную, халодную, газавую і пнеўматычную зброю, вызваленыя ад крымінальнай і адміністрацыйнай адказнасці. Пры выяўленні якіх-небудзь падазроных або старонніх прадметаў, пакінутых без нагляду на рынках, у крамах і іншых шматлюдных месцах, просьба неадкладна паведамляць па тэлефоне «102» ці ў бліжэйшы аддзел міліцыі. Катэгарычна забараняецца: паднімаць, чапаць, зрушваць з месца, кідаць і разбіраць дадзеныя прадметы, а таксама ў непасрэднай блізкасці ад іх карыстацца мабільнымі тэлефонамі. Неабходна захоўваць спакой і паспрабаваць зрабіць усё магчымае, каб людзі адышлі як мага далей ад знаходкі і дачакацца прыбыцця следча-аператыўнай групы.
У мэтах прадухілення крадзяжоў зброі Капыльскі РАУС рэкамендуе яго ўладальнікам абсталяваць жылыя памяшканні, альбо месцы яго захоўвання ахоўнай сігналізацыяй з падключэннем яе на пульт цэнтралізаванага назірання Капыльскага аддзела дэпартамента аховы МУС Рэспублікі Беларусь. А па тэлефонах 8-01719-55-1-47, 8-01719-25-2-40, 8-029-507-81-95 альбо па тэлефоне «102» можна паведаміць інфармацыю пра зброю, боепрыпасы і выбуховыя рэчывы, якія незаконна захоўваюцца, а таксама атрымаць інфармацыю аб парадку добраахвотнай здачы такіх прадметаў. Ананімнасць гарантуецца.
Падрыхтавала Таццяна Бохан
«СП»
