Адной з важных тэм на парадку дня была дэмаграфічная сітуацыя ў Мінскай вобласці, у тым ліку і на Капыльшчыне, а таксама рэалізацыя ў 2023 годзе Дзяржаўнай праграмы «Здароўе народа і дэмаграфічная бяспека».
Сяргей Міхайлавіч адзначыў, што сёння рэальнай пагрозай для нашага грамадства з'яўляецца нарастанне дэмаграфічнага дысбалансу, узмацненне агульнасусветнага старэння насельніцтва і памяншэнне колькасці дзяцей у сям'і. Меры дэмаграфічнай палітыкі Беларусі прадугледжваюць развіццё станоўчых аспектаў для стварэння здаровай і моцнай сям'і. Так, у нашай краіне актыўна рэалізуецца сямейная палітыка. Прадстаўляюцца выплаты дапамог у сувязі з нараджэннем і выхаваннем дзяцей, выплачваецца сямейны капітал, ажыццяўляецца дзяржаўная падтрымка пры будаўніцтве (рэканструкцыі) жылля шматдзетным сем'ям, прадастаўляюцца гарантыі і льготы ў сферы адукацыі, аховы здароўя, пенсійнага, працоўнага, падатковага і жыллёвага заканадаўства і інш.
І надыходзячы Дзень бацькі, а таксама святкаванне Тыдня бацькоўскай любовi – гэта яшчэ адна магчымасць падкрэсліць значнасць сям'і як сацыяльнага інстытута Беларусі.
ДАВЕДАЧНА
На тэрыторыі Дактаровіцкага сельсавета (старшыня Міхаіл Валуевіч) на 1 кастрычніка 2023 года пастаянна зарэгістраваны 1263 чалавекі. З іх: маладзейшыя за працаздольны ўзрост - 143, працаздольныя - 714, старэйшыя за працаздольных - 406. Колькасць падсобных гаспадарак - 653. У Дактаровіцкай СШ навучаецца 50 дзяцей, у дзіцячым садку - 10.
Наталля Давыдзенка
Фота аўтара
«СП»
