Дарога патрабуе бездакорнага захавання агульнапрынятых правілаў. Няведанне або невыкананне гэтых законаў часта прыводзіць да непапраўнага. Самым неабароненым элементам у ланцужку кіроўца-пешаход-дарога з'яўляецца менавіта пешаход. Кіроўцу ў выпадку ДТЗ можа абараніць металічны корпус транспартнага сродку, пешаход жа такой абаронай не валодае. Пра гэта трэба пастаянна памятаць і пры выхадзе на праезную частку ўсведамляць тую небяспеку, якой пешы ўдзельнік руху падвяргае сябе.
Даведачна, за 9 месяцаў бягучага года на тэрыторыі Мінскай вобласці адбылося 56 ДТЗ з-за парушэння правілаў праезду пешаходных пераходаў, у якіх 54 удзельнікi дарожнага руху траўмаваны ў якасці пешаходаў, 3 пешаходаў загінулі.
На рэгуляваным пешаходным пераходзе пры ўключэнні дазваляючага сігналу святлафора кіроўца павінен саступіць дарогу пешаходам, якія не скончылі пераход праезнай часткі дарогі.
Калі перад нерэгуляваным пешаходным пераходам спыніўся (стаіць), замарудзіў рух або рухаецца з меншай хуткасцю транспартны сродак, то кіроўцы іншых транспартных сродкаў, якія рухаюцца па суседніх палосах руху ў спадарожным кірунку, павінны знізіць хуткасць руху і пры наяўнасці пешаходаў даць ім перавагу і саступіць дарогу адпаведна.
За непрадастаўленне перавагі пешаходам вадзіцелі транспартных сродкаў могуць быць прыцягнуты да адміністрацыйнай адказнасці ў выглядзе штрафу ад 1 да 5 базавых велічынь. У выпадку здзяйснення дадзенага парушэння паўторна на працягу аднаго года - да адміністрацыйнай адказнасці ў выглядзе накладання штрафу ад 2 да 8 базавых велічынь.
Кіроўцу забараняецца выязджаць на пешаходны пераход, калі ўтварыўся затор, які вымусіць яго спыніцца на пешаходным пераходзе.
Пешаходам таксама неабходна больш адказна ставіцца да сябе і сваіх паводзін на дарозе! Пешаход перад пачаткам пераходу павінен пераканацца, што выхад на праезную частку дарогі бяспечны (п.17.2 ПДР), г. зн. спыніцца ля краю праезнай часткі, паглядзець па баках, пераканацца, што кіроўцы яго заўважылі і паспелі спыніць транспартныя сродкі. Пры пераходзе праезнай часткі неабходна адмовіцца ад выкарыстання любых гаджэтаў, з-за якіх, на секунду адцягнуўшыся, можна прапусціць небяспеку, а малалетніх дзяцей лепш узяць за руку. Пры выхадзе на пешаходны пераход, у тым ліку і на рэгуляваны на дазваляючы (зялёны) сігнал святлафора, неабходна пераканацца ў бяспецы сваіх дзеянняў, а таксама ў тым, што вадзіцелі вас заўважылі і даюць перавагу ў руху.
Да таго ж не варта забываць, што асабліва небяспечна перасякаць праезную частку дарогі ў цёмны час сутак або ва ўмовах недастатковай бачнасці, таму абавязкова пазначайце сябе святлоадбівальнымі элементамі. Святлоадбівальнік варта прымацоўваць так, каб ён быў бачны з усіх бакоў. Лепш за ўсё выкарыстоўваць адразу некалькі флікераў.
За парушэнне ПДР пешаходамі артыкулам 18.20 Кодэкса аб адміністрацыйных правапарушэннях прадугледжана адміністрацыйная адказнасць у выглядзе папярэджання або штрафу ў памеры ад 1 да 3 базавых велічынь. Знаходжанне на праезнай частцы ў цёмны час сутак на неасветленых участках дарог без святлоадбівальнага элемента таксама трапляе пад дзеянне дадзенага артыкула. Калі ж пешы ўдзельнік у момант здзяйснення правапарушэння знаходзіўся ў стане алкагольнага ап'янення або ў стане, выкліканым спажываннем наркатычных сродкаў, псіхатропных, таксічных або іншых адурманьваючых рэчываў, – памер штрафу складзе ад 3 да 5 базавых велічынь.
Парушэнне правілаў дарожнага руху асобамі, што пацягнула стварэнне аварыйнай абстаноўкі цягне накладанне штрафу ў памеры ад 3 да 8 базавых велічынь.
Дзяржаўтаінспекцыя нагадвае, што няўхільнае выкананне правілаў дарожнага руху, увага і ўзаемаветлівасць – залог бяспекі на дарогах!
АДАІ Капыльскага РАУС
