Мерапрыемствы акцыі пройдуць у два этапы. Першы працягнецца з 8 па 17 лістапада і закране пункты прыёму другаснай сыравіны, а таксама прамысловыя прадпрыемствы, аўтакрамы і іншыя месцы вялікай колькасці людзей. Увазе ўдзельнікаў будуць прапанаваны тэматычныя відэаролікі аб небяспеках, якія тоіць у сабе курэнне, магчымасць пагутарыць са спецыялістам і задаць яму пытанні. Акрамя таго, кожны ахвочы зможа прыняць удзел у спаборніцтве за званне знаўцы правіл бяспечнага абыходжання з агнём пры курэнні і выйграць сувенірную прадукцыю.
Другі этап будзе праходзіць з 20 па 28 лістапада ў ССНУ, а таксама, у іншых месцах з масавым знаходжаннем людзей. Удзельнікі змогуць праявіць сябе ў конкурсе КВЗ, спаборніцкай інтэлектуальнай гульні «No smoking Quiz» і іншых віктарынах. Тэмай усіх вышэйпералічаных мерапрыемстваў будзе бяспека пры абыходжанні з агнём пры курэнні.
Гэта далёка не ўсё, што чакае ўдзельнікаў акцыі «Не прапальвай сваё жыццё!». Таму далучайцеся да мерапрыемстваў МНС, каб перамагчы ў барацьбе са згубнай звычкай і зрабіць сваё жыццё больш бяспечным!
«СП»
