гаварыла намеснік старшыні райвыканкама Ірына Юхо падчас сустрэчы з працоўным калектывам Капыльскай раённай цэнтральнай бібліятэкі імя А. Астрэйкі.
Адной з асноўных тэм адзінага дня інфармавання стала праблема супрацьдзеяння экстрэмізму і тэрарызму.
Ірына Анатольеўна адзначыла, што ў аснову дзяржаўнай палітыкі і ідэалогіі Рэспублікі Беларусь закладзены пералік напрамкаў, якія вызначаюць функцыянаванне дзяржавы, накіраваных на супрацьдзеянне экстрэмізму і тэрарызму. КоАП Рэспублікі Беларусь (арт. 19.11) прадугледжвае наступленне адказнасці за распаўсюджванне, выраб, захоўванне, перавозку інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць.
– За здзек з дзяржаўных сімвалаў Законам прадугледжана адказнасць у выглядзе штрафу ў памеры ад трыццаці да адной тысячы базавых велічынь, папраўчых работ на тэрмін да двух гадоў, арышту на тэрмін ад аднаго да трох месяцаў, абмежавання волі на тэрмін да трох гадоў, або пазбаўлення волі на той жа тэрмін, - акцэнтавала ўвагу Ірына Юхо.
Меры па барацьбе з карупцыяй - гэта яшчэ адно немалаважнае пытанне, якое стаяла на парадку дня. Намеснік старшыні адзначыла, што карупцыя з'яўляецца найбольш вострай праблемай, якая існуе ў грамадстве. Так, за 10 месяцаў 2023 года на тэрыторыі вобласці органамі, якія ажыццяўляюць барацьбу з карупцыяй, выяўлена (пастаўлена на ўлік) 300 карупцыйных злачынстваў, што з'яўляецца самым высокім паказчыкам у рэспубліцы. Прыклад таму - самая апошняя гучная «малочная» справа «Бабулін крынка».
Не пакінулі без увагі і пытанне эканамічнай бяспекі. Ірына Анатольеўна адзначыла, што нягледзячы на беспрэцэдэнтны санкцыйны ціск, беларуская эканоміка дэманструе рост: павялічылася прамысловая вытворчасць, знізілася інфляцыя, выраслі грашовыя даходы насельніцтва.
Наталля ДАВЫДЗЕНКА
Фота аўтара
«СП»
