З мэтай прафілактыкі і папярэджання дарожна-транспартных здарэнняў у зімовых умовах, а таксама падрыхтоўкі аўтамабіляў да эксплуатацыі ў зімовы перыяд з 27 лістапада па 5 снежня 2023 г. Дзяржаўтаінспекцыя Мінскай вобласці праводзіць рэспубліканскую прафілактычную акцыю «Змянi свой стыль на зімовы!».
Кожны аўтамабіліст, хоць раз апынуўшыся на галалёдзе, разумее ўсю важнасць і неабходнасць дадзенай працэдуры. Сезонная змена шын на транспартных сродках носіць не толькі рэкамендацыйны характар, але і прама замацавана дзеючым заканадаўствам.
Дзяржаўтаінспекцыя нагадвае, што пункт 2071 правілаў дарожнага руху (ПДР) абвяшчае: «Пры ўдзеле ў дарожным руху з 1 снежня па 1 сакавіка аўтамабілі з тэхнічна дапушчальнай агульнай масай да 3,5 тоны ўключна, легкавыя і грузапасажырскія аўтамабілі з тэхнічна дапушчальнай агульнай масай звыш 3,5 тоны, а таксама аўтобусы з тэхнічна дапушчальнай агульнай масай да 5 тон павінны быць абсталяваны зімовымі шынамі. Зімовыя шыны ўсталёўваюцца на ўсіх колах транспартнага сродку і павінны адпавядаць патрабаванням часткі другой пункта 25 дадатку 4 ПДР».
З пункта 25 дадатку 4 вынікае: «Зімовыя шыны механічных транспартных сродкаў, прызначаныя для эксплуатацыі на абледзянелым або заснежаным дарожным пакрыцці, маркіраваныя знакам у выглядзе горнай вяршыні з трыма пікамі і са сняжынкай ўнутры яе альбо знакамі «М+S», «M&S», «M.S», «M S» або «All seasons», падчас эксплуатацыі на паказаным пакрыцці маюць рэшткавую вышыню малюнка пратэктара не менш за 4 мм.
Для прычэпаў устанаўліваюцца нормы рэшткавай вышыні малюнка пратэктара шын, аналагічныя нормам для шын механічных транспартных сродкаў, у счэпцы з якімі яны ўдзельнічаюць у дарожным руху».
Адказнасць за невыкарыстанне на транспартным сродку зімовых шын прадугледжана часткай 2 артыкула 18.11 КоАП і цягне накладанне штрафу ў памеры да адной базавай велічыні. У выпадку паўторнага парушэння, штраф павялічваецца да 5 базавых велічынь.
Да зімовых неспрыяльных умоў надвор'я і кароткага светлавога дня аўтааматарам неабходна падрыхтавацца грунтоўна. Важна пераканацца, што хадавая аўтамабіля на 100% гатова да цяжкіх умоў надвор'я. Вельмі важна своечасова мяняць незамярзальючую вадкасць у абмывальніку шкла, а таксама выкарыстоўваць спецыяльныя зімовыя аксэсуары для догляду за аўто.
Зіма прыносіць холады, золкі дождж, снегапады. Тэмпературныя скокі зімой прыводзяць да ўтварэння наледзі на дарозе. Калі выпалі ападкі ў выглядзе снегу, то ледзяная скарынка на дарозе становіцца незаўважнай пад снежным покрывам. Самымі небяспечнымі з'яўляюцца ранішнія гадзіны, калі аўтааматары спяшаюцца трапіць на працу.
У такое надвор'е пагаршаецца счапленне аўтамабільных шын з дарожным пакрыццём і тармазны шлях аўтамабіля павялічваецца. Нават невялікае перавышэнне хуткасці можа прывесці да сур'ёзнага ДТЗ.
Правілы паводзін у выпадку пачатку заносу:
паварочвайце руль плаўна ў бок заносу;
на заднепрывадных аўтамабілі адпусціце газ, на пярэднепрывадных, наадварот, трохі павялічце падачу паліва;
калі машына выходзіць з заносу, варта вярнуць руль у становішча для руху прама;
ні ў якім разе не націскайце на тормаз.
Шматгадовая практыка вопытных вадзіцеляў сведчыць аб тым, што правільная ацэнка дарожных умоў, умелае прымяненне прыёмаў кіравання, своечасовы кантроль тэхнічнага стану аўтамабіля і дакладнае выкананне патрабаванняў Правілаў дарожнага руху дазваляюць упэўнена адчуваць сябе на зімовай дарозе.
Крыніца УДАІ УУС Мінаблвыканкама