Кандыдат філалагічных навук БДМУ, дацэнт, распрацоўшчык метадычных матэрыялаў па справаводстве Алена Занковіч агучыла актуальныя пытанні па вядзенні справаводства ў арганізацыях і ўстановах у святле патрабаванняў дзеючага заканадаўства Рэспублікі Беларусь. На семінары былі разгледжаны змены, унесеныя ў 2022 – 2023 гг. у заканадаўчыя акты ў сферы архіўнай справы і справаводства, праблемныя пытанні прымянення на практыцы патрабаванняў нарматыўных прававых актаў. Акрамя гэтага, разгледзелі змены ў афармленні рэквізітаў дакументаў, асаблівасці падрыхтоўкі і афармлення асобных відаў дакументаў, рэгістрацыя дакументаў і патрабаванні да іх, правілы афармлення дакументаў згодна СТБ 6.38-2016 і інструкцыі па справаводстве ў дзяржаўных органах і іншых арганізацыях і шэраг іншых пытанняў.
Удзельнікі семінара высока ацанілі ўзровень праведзенага мерапрыемства, падкрэсліўшы важнасць разгледжаных пытанняў.
- На маю думку, гэта нездарма выдаткаваны час для ўсіх удзельнікаў семінара, – дзеліцца ўражаннем начальнік юрыдычнага аддзела райвыканкама Яўген Мамантаў. - Змястоўна, пазнавальна, канструктыўна. Семiнар прайшоў на адным дыханні. Аленай Пятроўнай былі разгледжаны ўсе актуальныя пытанні, з якімі павінны быць знаёмы ўсе, хто займаецца справаводствам. Мы павінны разумець, што граматнае складанне і афармленне арганізацыйна-распарадчых дакументаў з'яўляецца асновай правільнага і адказнага функцыянавання ўсіх сфер дзейнасці.
Наталля Давыдзенка
фота Кацярыны Кандратовіч
«СП»