На мерапрыемства былі запрошаны навучэнцы старэйшых класаў сярэдняй школы №2 г. Капыля і ўдзельнікі ваенна-патрыятычнага клуба «Рэзерв», які не так даўно пачаў функцыянаваць у Капыльскім дзяржаўным каледжы.
Ці карысныя для рабят падобныя экскурсіі? Безумоўна. Прафарыентацыйная сустрэча дазваляе бліжэй даведацца аб прафесіі і ацаніць абстаноўку, так скажам, знутры. Да таго ж у будынку РАУС школьнікі — госці нячастыя, і пераважная большасць нават не ўяўляюць, як усё ўладкавана ў райаддзеле.
Акрамя экскурсійных мерапрыемстваў і адказаў на шматлікія пытанні, якія абавязкова з'яўляюцца ў падрастаючага пакалення, пагаварылі пра паступленне ў Акадэмію МУС Рэспублікі Беларусь і перавагі праходжання службы ў органах унутраных спраў. Гутарку з хлопцамі вёў намеснік начальніка Капыльскага РАУС Уладзімір Рудакоўскі.
Крысціна ЖАГОЛЬ
Фота Капыльскага РАУС
«СП»