На сустрэчы прысутнічалі прадстаўнікі аховы здароўя, упраўлення па працы, занятасці і сацыяльнай абароне райвыканкама, цэнтра сацыяльнага абслугоўвання насельніцтва. Прысутныя абмеркавалі пытанні аказання сацыяльных паслуг, прадастаўлення адраснай сацыяльнай дапамогі і яе віды, прызначэнне пенсіі па інваліднасці. Таксама разгледзелі, што такое індывідуальная праграма рэабілітацыі інваліда, пагаварылі аб тэхнічных сродках сацыяльнай рэабілітацыі.
Акрамя актыўнага ўдзелу ў дыялогу госці мерапрыемства наведалі выставу-продаж сувенірнай прадукцыі аддзялення дзённага знаходжання цэнтра, азнаёміліся з дэманстрацыйнай выставай тэхнічных сродкаў сацыяльнай рэабілітацыі «Ты ў свеце не адзін». У завяршэнні мерапрыемства ўсе запрошаныя атрымалі сувеніры і прынялі ўдзел у трэнінгу «Стрэс і спосабы рэгуляцыі эмацыйнага стану».
Таццяна БОХАН
Фота Капыльскага ТЦСАН
«СП»
