Купіць зялёную прыгажуню можна будзе з дваццатых чысел снежня і да 31 чысла, уключна, на гандлёвай пляцоўцы г. Капыля па адрасе: вуліца Заазёрная, 26, з 900 да 1800 без выхадных, а 25 і 31 снежня - да 1500.
У аг. Цімкавічы ў садовым цэнтры пастаяннага ляснога гадавальніка - у буднія дні з 900 да 17.00
Традыцыйна навагодняе дрэва можна будзе набыць у лясніцтвах Капыльскага вопытнага лясгаса.
Як пракаментаваў інжынер па ахове і абароне лесу Капыльскага вопытнага лясгаса Максім Унучак, кошты з мінулага года не змяніліся. Так, навагодняя прыгажуня да 1 метра каштуе 11,00-15,00 рублёў. Дрэва вышынёй ад 1м да 2м ацэньваецца ў 14,00-20,00 рублёў, а ад 2 да 3 м - 18,00-25,00 рублёў. Кошт залежыць ад месца рэалізацыі. А навагодняе дрэва ў кадцы - 5,00-36,00 рублёў у залежнасці ад вышыні.
Таксама, хацелася б нагадаць, што пры куплі і транспарціроўцы навагодняга дрэва неабходна захоўваць дазвольны дакумент, які пацвярджае законнае набыццё дрэва.
«СП»