Як паведаміла спецыяліст сектара прапаганды і ўзаемадзеяння з грамадскасцю Капыльскага РАНС Марыя Дзічкоўская, ратавальнікі расказалі дзецям, наколькі можа быць небяспечны адкрыты агонь, а таксама папярэдзілі аб наступствах неасцярожнага абыходжання з феервергамі, хлапушкамі і петардамі. Супрацоўнікі раённага аддзела па НС нагадалі алгарытм дзеянняў пры загаранні навагодняй ёлкі, як пазбегнуць траўм падчас працяглых зімовых канікул. Таксама засяродзілі ўвагу на прадметах і прыборах, якія небяспечны для дзяцей. Вельмі важна, каб гэтыя і іншыя карысныя звесткі ў поўным аб'ёме былі данесены да малых, каб цудоўныя навагоднія святы сталі для іх максімальна камфортнымі і бяспечнымі.
Напрыканцы мерапрыемства ўсе дзеці атрымалі наглядна-выяўленчую прадукцыю і падарункі. Адпускаць Дзеда Мароза-пажарнага без фота на памяць ніхто не хацеў, таму кожны змог зрабіць незабыўнае сэлф.
Фота Капыльскага РАНС
Аўтар: Наталля Давыдзенка
«СП»
