З віншавальным візітам дзетак і іх бацькоў наведалі генеральны дырэктар Мінскага лесагаспадарчага аб'яднання, дэпутат Мінскага абласнога Савета дэпутатаў Сяргей Ульдзіновіч, дырэктар Капыльскага доследнага лясгаса Сяргей Мікалаеўскі і яго намеснік Таццяна Канаплянік.
Зносіны гасцей і дзяцей, іх бацькоў насілі прыемны для абодвух бакоў характар. Было шмат усмешак, смеху, абмену ўражаннямі. Усе атрымалі памятныя падарункі, цацкі і прысмакі.
Віншуючы сям'ю, Сяргей Станіслававіч звярнуўся да хлопцаў: «Мы хочам, каб вы ў гэтым доме раслі дружна, у радасці, каб усё ў вас у жыцці было добра. І калі раптам нешта намеціцца не так, абавязкова звяртайцеся да старэйшых. А калі падрасцеце - вы самі навучыцеся спраўляцца са складанасцямі».
У адказ госці атрымалі шчырую падзяку за праяўленыя знакі ўвагі, неабыякавасць і дабрыню.
Фота аўтара
Аўтар: Сяргей Козел
«СП»