Больш за 290 хлопчыкаў і дзяўчынак, бацькі якіх працуюць у галіне сельскай гаспадаркі і перапрацоўчай прамысловасці Капыльшчыны, сталі ўдзельнікамі маляўнічага навагодняга прадстаўлення.
Удзел у рэспубліканскай акцыі «Прафсаюзы - дзецям» у нашым раёне ўжо стаў традыцыйным. Работнікі раённага цэнтра культуры падрыхтавалі незабыўнае свята. На разагрэве, перад пачаткам асноўнай часткі ўрачыстасці ў фае рабят сустракалі казачныя персанажы. Тут былі і конкурсы, і карагоды, песні, вершы і запаветныя словы «Ялінка гары!»
Музычна-забаўляльная праграма «Новы год. Перазагрузка» акунула рабят у чароўны свет займальных навагодніх прыгод з Бабай Ягой, Кікімарай, Лясуном, Кашчэем і іншымі казачнымі героямі. У завяршэнні рабят чакалі салодкія навагоднія падарункі і фотасесія.
Фота Дар'і БОХАН
Аўтар: Наталля Давыдзенка
«СП»
