— Падтрымка важных дзяржаўных ініцыятыў, накіраваных на развіццё эканомікі, — традыцыйны складнік дзейнасці Беларусбанка. Пераканана, што стымуляванне попыту на айчынныя тавары будзе мець станоўчы ўплыў на развіццё прадпрыемстваў і дапаможа грамадзянам палепшыць свой быт, павысіць якасць жыцця. Тым больш, гэты год аб'яўлены Годам якасці, а якасць - гэта сінонім тавараў айчынных брэндаў, - адзначыла намеснік старшыні праўлення Беларусбанка Святлана Кажэкіна.
Крэдыт будзе выдавацца на 3 гады пад фіксаваную на ўвесь тэрмін крэдытавання стаўку 4% гадавых для набыцця тавараў беларускіх вытворцаў: мэбля, халадзільнікі і маразільнікі, пральныя, кухонныя, посудамыйныя машыны, мікрахвалевыя печы, керамічная плітка і санітарна-тэхнічнае абсталяванне, веласіпеды , мапеды, матацыклы, тэлевізары, мотаблокі, міні-трактары.
З поўным пералікам тавараў і арганізацый-вытворцаў, зацверджаным пастановай Савета Міністраў Рэспублікі Беларусь ад 29.12.2023 №992 "Аб спажывецкім крэдытаванні", можна азнаёміцца тут.
Максімальная сума крэдыту залежыць ад плацежаздольнасці заяўніка, але не можа перавышаць 300 базавых велічынь (па стане на 03.01.2024 – 12 000 руб.). Крэдыт выдаецца шляхам безнаяўнага пералічэння на рахункі прадаўцоў айчынных тавараў на падставе дакументаў на аплату тавару (рахунак-фактура, дагавор). Падаць заяўку на крэдыт можна ва ўстановах банка, Інтэрнет-банкінгу, М-банкінгу і на сайце банка.
Больш падрабязную інфармацыю можна атрымаць у Кантакт-цэнтры па тэлефоне 147.
"СП"
