Намеснік старшыні райвыканкама Ірына Юхо і кіраўнік спраў райвыканкама Ірына Пабока адзначылі важнасць таго, што акцыя заклікана праявіць максімум клопату і ўвагі ў адносінах да старэйшага пакалення. У якасці падарункаў, а на сёння ва ўстанове пражываюць 80 падапечных, госці перадалі прысмакі, каўбасныя і рыбныя вырабы, вырабленыя Капыльскім кааппрамам. Людзям, якія асабліва маюць патрэбу ў клопаце і падтрымцы, было сказана шмат добрых слоў і пажаданняў.
Ад імя пастаяльцаў дырэктар дома-інтэрната Віктар Гаціла цёпла падзякаваў гасцям:
— Мы шчыра ўдзячны мясцовай уладзе за ўвагу і прыемныя сюрпрызы. Нашы жыхары чарговы раз пераканаліся, што пра іх не забываюцца. Гэта сустрэча падарыла кожнаму з удзельнікаў зарад бадзёрасці і пазітыву.
Так атрымалася, што гэта падзея супала яшчэ і з прафесійным святам працаўнікоў сацыяльнай абароны, якія клапоцяцца аб уразлівай катэгорыі насельніцтва, падстаўляюць плячо падтрымкі тым, хто патрапіў у цяжкую жыццёвую сітуацыю.
Таму госці, карыстаючыся магчымасцю, цёплыя і сардэчныя віншаванні адрасавалі і работнікам дома-інтэрната за іх такую патрэбную, цяжкую і высакародную працу, пажадалі моцнага здароўя, бадзёрасці, добрага настрою і мірных паўсядзённых клопатаў.
Фота аўтара
Аўтар: Таццяна Бохан
«СП»
