Бо ў хуткім будучым юнакам і дзяўчатам давядзецца зрабіць адзін з самых важных і лёсавызначальных выбараў свайго жыцця - вызначыцца з першым месцам працы. Такія сустрэчы ў рамках прафарыентацыйных заняткаў робяцца традыцыйнымі.
Студэнты знаёміліся з арганізацыяй працы аддзяленняў бальніцы, з загадчыкамі аддзяленняў і дзяліліся планамі на будучыню. Экскурсія пакінула ў іх шмат станоўчых эмоцый.
Адразу ж хлопцы акунуліся ў амаль сямейную атмасферу калектыву ўстановы аховы здароўя, паважлівае стаўленне і зацікаўленасць у маладых спецыялістах адчувалася падчас зносін з адміністрацыяй бальніцы, загадчыкамі аддзяленняў, а таксама падчас непасрэднага іх наведвання. «Прыходзьце да нас працаваць, чакаем вас!» – самая частая фраза, якую чулі заўтрашнія выпускнікі не толькі ад медыцынскага калектыва, але і ад медыцынскіх сясцёр. Імпанавала і тое, што вопытныя ўрачы гатовы вучыць, паказваць, тлумачыць. На ўсе пытанні шасцікурснікаў адказвалі шчыра, часам з ноткай настальгіі, успамінаючы ўласныя першыя крокі ў медыцыне.
Удзельнікаў мерапрыемства прывітаў галоўны ўрач Сяргей Пацяйковіч, які расказаў аб структуры ЦРБ і яе асноўных напрамках дзейнасці. Тут сфарміраваны дружны калектыў, які імкнецца ісці ў нагу з часам.
Намеснік старшыні Капыльскага райвыканкама Ірына Юхо падкрэсліла, што ў Капылі створаны ўсе ўмовы, каб маладыя спецыялісты адчувалі сябе ўпэўнена і камфортна.
– Нашы дзверы для кожнага з вас адчынены, і мы будзем рады, калі ў якасці першага месца працы вы вылучыце менавіта Капыльскую ЦРБ. Тут замацуецеся і працягнеце працаваць у нашым краі. Вы - будучыя ўрачы, якія абралі гэту прафесію па прызванні. У нас створаны ўсе ўмовы для дастойнай працы. Тут працуюць прафесіяналы сваёй справы, ёсць магчымасць пераняць вопыт у калег, - сказала Ірына Анатольеўна.
Вельмі важна, каб у тых, хто будзе насіць белы халат, былі невычэрпнае пачуццё гуманнасці, любоў да сваёй працы. Студэнты ўпэўнены, што менавіта гэтыя якасці павінны быць у будучых урачоў.
Падводзячы вынікі сустрэчы, намеснік дэкана па выхаваўчай рабоце лячэбнага факультэта БДМУ Наталля Паляк падзякавала адміністрацыі Капыльскай ЦРБ за цёплы прыём.
- Лічу, што такія прафарыентацыйныя мерапрыемствы з'яўляюцца найбольш дакладным праектам. Рабяты могуць на месцы азнаёміцца з умовамі працы ўрачоў, з тым, як аказваюць дапамогу пацыентам, пазнаць аб магчымых даляглядах працы, - дадала Наталля Аляксандраўна.
Як адзначылі самі студэнты, прафарыентацыйная праца ў такім выязным фармаце дазваляе будучаму маладому спецыялісту ўбачыць працу практычнага звяна і атрымаць адказы на жыццёвыя пытанні. Напрыклад, даведацца, ці прадастаўляецца жыллё, як арганізавана прафсаюзная работа з моладдзю, якая інфраструктура рэгіёну.
Фота аўтара
Аўтар: Сяргей Козел
«СП»
