Міністэрства працы і сацыяльнай абароны Беларусі папярэджвае пра чарговую ашуканскую схему, паведамляе Sputnik са спасылкай на афіцыйны Telegram-канал ведамства.
На гэты раз ашуканцы спрабуюць падмануць сем'і з дзецьмі. Бацькам прапануюць перайсці па спасылцы і запоўніць форму з асабістымі дадзенымі, у тым ліку і звесткі аб банкаўскіх картках. За гэта абяцаюць кожнай сям'і з дзіцём пэўную суму грошай.
«Аднак мэта такой схемы - падманным шляхам атрымаць доступ да грошай», - падкрэслілі ў Мінпрацы і сацабароны.
У ведамстве адзначылі, што інфармаванне аб атрыманні сацвыплат, іх пераліку не ажыццяўляецца праз смс або з дапамогай інтэрнэт-паведамленняў.
«Выплаты прызначаюцца толькі пасля асабістай падачы заявы ў органы па працы, занятасці і сацыяльнай абароне альбо па месцы працы. Спосаб атрымання вызначаецца заяўніком пры падачы адпаведнай заявы», – гаворыцца ў паведамленні.
У ведамстве нагадваюць, што ні ў якім разе нельга пераходзіць па падазроных спасылках і ўводзіць свае асабістыя дадзеныя. Ашуканцы ствараюць сайты-двайнікі рэальных анлайн-рэсурсаў.
«Калі вы ўведзяце там свае паролі, коды, дадзеныя карты, то яны трапяць да ашуканцам. Пераправярайце ўсю інфармацыю ў афіцыйных крыніцах», - перасцерагаюць у Мінпрацы і сацабароны.
«СП»