На працягу ўсяго часу дзейнасць Капыльскага раённага аддзела па надзвычайных сітуацыях накіравана на стабілізацыю абстаноўкі з пажарамі і гібеллю людзей на іх, арганізацыю забеспячэння пажарнай бяспекі. Больш падрабязна аб сітуацыі ў раёне расказаў начальнік Капыльскага РАНС Віталь Буняк:
– За мінулы год у выніку праведзеных арганізацыйных і прафілактычных мерапрыемстваў забяспечана бяспечнае функцыянаванне суб'ектаў гаспадарання і жыццядзейнасць населеных пунктаў на працягу пажаранебяспечнага перыяду. Асаблiвыя рэжымы функцыянавання раённага звяна не ўводзіліся. Падраздзяленнямі аддзела на ліквідацыі НС і пажараў ажыццёўлены 118 выездаў, 141 раз ратавальнікі прыцягваліся для аказання дапамогі насельніцтву і ведамствам, 191 раз выязджалі на тактыка-спецыяльныя заняткі і вучэнні, праведзены 151 выезд на платнай аснове, а таксама 17 - на тушэнне загарання сухой расліннасці і лесу. Варта адзначыць, што на тэрыторыі Капыльскага раёна з пачатку 2023 года рэалізавана 14 выездаў пажарнай аварыйна-выратавальнай тэхнікі на паведамленні на СПІ «Маланка», падчас якіх фактаў пацверджання пажару не ўстаноўлена. У цэлым асабовы склад раённага аддзела па надзвычайных сітуацыях выконвае абавязкі на высокім узроўні. Кожны супрацоўнік знаходзіцца на сваім месцы і разумее, што выбраная прафесія патрабуе мужнасці і стойкасці, смеласці і знаходлівасці, гатоўнасці ў любую хвіліну прыйсці на дапамогу людзям, якія трапілі ў бяду.
За 2023 год на тэрыторыі Капыльскага раёна зарэгістравана 42 пажары. Асноўнымі прычынамі з'яўляюцца парушэнне правіл пажарнай бяспекі пры ўладкаваннi электраабсталявання, эксплуатацыі і ўладкаваннi пячнога ацяплення, а таксама неасцярожнага абыходжання з агнём. У сувязі з гэтым для далейшага ўдасканалення дзейнасці аддзела вызначаны прыярытэтныя задачы на бягучы год, галоўная з якіх - папярэджваць пажары. Лічу, што ў сучасным свеце, карыстаючыся разнастайнымі інтэрнэт-рэсурсамі, шмат хто можа прачытаць аб мерах прафілактыкі па папярэджанні надзвычайных сітуацый. Акрамя гэтага, работнікі РАНС цесна супрацоўнічаюць з раённай газетай «Слава працы», на старонках якой аператыўна выходзяць артыкулы па пытаннях забеспячэння пажарнай бяспекі і жыццядзейнасці насельніцтва. Усё гэта дае магчымасць даведацца аб сітуацыі ў раёне і перасцерагчы сябе ад разнастайных няшчасных выпадкаў. Як гаворыцца: «Папярэджаны - значыць узброены».
У раёне работнікамі аддзела арганізавана і праведзена 77 сельскіх сходаў, 172 выступленні ў працоўных калектывах і 56 – на бацькоўскіх сходах у школах і дашкольных установах адукацыі па навучанні насельніцтва правілам пажарнай бяспекі. У ходзе ажыццяўлення пажарна-прафілактычнай работы ў жылым сектары абследавана 3969 кватэр і домаўладанняў грамадзян, 393 домаўладаннi шматдзетных сем'яў, 1964 - адзінокіх і адзінока пражываючых пажылых грамадзян і інвалідаў, 1299 сем'яў, якія выхоўваюць малалетніх дзяцей, 50 сем'яў, якія знаходзяцца ў СНС.
- рэспубліканская пажарна-прафілактычная акцыя «За бяспеку разам!» заклікае ўсіх жыхароў краіны не грэбаваць мерамі бяспекі, бо бестурботнасць і неасцярожнасць часам могуць прывесці да непрадбачаных сітуацый. Памятайце, ратавальнік заўсёды па першым клічы прыйдзе на дапамогу людзям, якія трапілі ў бяду. Бо ваша бяспека вышэй за ўсё! – падсумаваў Віталь Буняк.
Падраздзяленнямі аддзела на ліквідацыі НС і пажараў ажыццёўлены 118 выездаў, 141 раз ратавальнікі прыцягваліся для аказання дапамогі насельніцтву і ведамствам, 191 раз выязджалі на тактыка-спецыяльныя заняткі і вучэнні, праведзены 151 выезд на платнай аснове, а таксама на тушэнне загарання сухой расліннасці і лясоў.
Аўтар: Наталля Давыдзенка
«СП»
