А выдатным падарункам у навагоднія святы стала нараджэнне лапачкі-дачкі Волечкі.
Па добрай традыцыі ў раённым аддзеле загс вырашылі павіншаваць ужо шматдзетную сям'ю. Так, старшыня Капыльскага райвыканкама Сяргей Пілішчык павіншаваў бацькоў з прыемнай падзеяй у іх вялікай сям'і.
- Для бацькоў, нараджэнне дачкі - падарунак лёсу, - кажа Сяргей Міхайлавіч. - Хай расце вам на радасць здаровенькай, разумнай і шчаслівай. Наперадзе вас чакаюць бяссонныя ночы, клопаты па дому, але ўсё гэта кампенсуе шчаслівая ўсмешка вашай дачушкі. Дзеля гэтага варта жыць, працаваць і ахвяраваць сваім вольным часам.
Да віншаванняў далучыліся начальнік аддзела загса Вікторыя Траяновіч, старшыня раённай арганізацыі Беларускага прафесійнага саюза работнікаў адукацыі і навукі Марына Крэпская, старшыня прафсаюзнай першаснай арганізацыі Капыльскай ЖКГ Святлана Русаковіч .
Бацькі былі рады такому віншаванню. Яны падзякавалі гасцям за неабходнае прыладдзе для нованароджанай і аказаную матэрыяльную дапамогу.
Варта адзначыць, што гэта ўжо трэці запіс акта аб нараджэнні дзіцяці. Першы і другі запісы былі праведзены 6 і 9 студзеня. У тыя дні зарэгістравалі малых, якія нарадзіліся ў апошнія снежаньскія дзянькі.
Фота аўтара
Аўтар: Наталля Давыдзенка
