Працавітасць, прафесіяналізм, аўтарытэт і вопыт у вырашэнні складаных вытворчых пытанняў сталі візітнай карткай майстра лесу Старыцкага доследна-вытворчага лясніцтва Барцэвіча Аляксандра Іванавіча.
Барцэвіч Аляксандр Іванавіч, 1956 года нараджэння, беларус, адукацыя сярэдняя спецыяльная. У 1977 годзе скончыў Полацкі лясны тэхнікум. Сваю працоўную дзейнасць у Капыльскім доследным лясгасе пачаў у 1982 годзе. З 1985 года і па цяперашні час працуе майстрам лесу ў Старыцкім доследна-вытворчым лясніцтве Капыльскага доследнага лясгаса. Аляксандр Іванавіч працягнуў працоўную дынастыю бацькі - Барцэвіча Івана Пракопавіча, які прапрацаваў у Старыцкім доследна-вытворчым лясніцтве лесніком больш за 35 гадоў. А сёння лесаводчая біяграфія сям'і Барцэвіч склалася ўжо ў трэцім пакаленні і агульны працоўны стаж складае больш за 83 гады.
Аляксандр Іванавіч узнагароджаны нагрудным знакам Міністэрства лясной гаспадаркі «Ганаравы лесавод», занесены ў Кнігу працоўнай славы Капыльшчыны, узнагароджаны нагрудным знакам адрознення Міністэрства лясной гаспадаркі «30 гадоў бездакорнай службы ў дзяржаўнай лясной ахове Рэспублікі Беларусь». Неаднаразова заахвочваўся на ўзроўні ведамства, раённага выканаўчага камітэта рознага роду граматамі.
«СП»
