Ірына Анатольеўна расказала прысутным аб стане рэальнага сектара эканомікі, дасягненнях сельскай гаспадаркі, сацыяльнай сферы, адзначыўшы станоўчую тэндэнцыю ў развіцці рэгіёну. Таксама цэнтральнай тэмай падчас сустрэчы стала сёлетняя выбарчая кампанія.
– Адзіны дзень галасавання – найважнейшая грамадска-палітычная падзея для дзяржавы. Таму ўдзел у выбарчым працэсе - гэта актыўны ўдзел у жыцці сваёй краіны, - падкрэсліла намеснік старшыні райвыканкама. - Гэта будзе выбар курсу на далейшае будаўніцтва суверэннай дзяржавы, эвалюцыйнае развіццё і прымнажэнне дасягненняў краіны. Таму важны голас кожнага!
У рамках сустрэчы кожны меў магчымасць задаць пытанне і атрымаць кампетэнтнае тлумачэнне.
Фота аўтара
Аўтар: Таццяна Бохан
«СП»
