Месцам для правядзення пікету выбралі пляцоўку перад супермаркетам «Санта», дзе ў перадабедзенны і абедзенны час заўсёды шмат людзей. Актывісты раздавалі карткі-напамін пра дзень галасавання, распавядалі пра асаблівасці правядзення выбараў сёлета. Мінакі задавалі пытанні і выказвалі меркаванне наконт таго, якімі павінны быць народныя выбраннікі. Многіх выбаршчыкаў цікавіла, ці будуць на выбарчых участках прысутнічаць валанцёры для дапамогі маламабільным грамадзянам.
Як аказалася, для многіх капылян і гасцей горада, якія прынялі ўдзел у пікеце, пытанне аб тым, пайсці на выбары ці не, не стаiць: кожны з іх гатовы праявіць актыўную грамадзянскую пазіцыю.
- Я лічу, што ад голасу кожнага залежыць не толькі наша будучыня, але і будучыня нашых дзяцей і ўнукаў, – кажа педагог-псіхолаг Капыльскага дзяржаўнага каледжа Ірына Новік. Яна таксама адзначыла, што пікеты - гэта выдатная форма падачы інфармацыі: грамадзяне падыходзяць, цікавяцца, атрымліваюць усю неабходную інфармацыю для прыняцця рашэння.
Фота аўтара
Аўтар: Таццяна Захарэвіч
«СП»
