Пасля знаёмства з праграмай кандыдата ў абласны Савет дэпутатаў размова зайшла аб хвалюючых пытаннях. Удзельнікі сустрэчы сышліся ў меркаванні, што раён прыкметна развіваецца: кожны год з'яўляюцца новыя аб'екты, жылыя дамы, паляпшаецца інфраструктура, абслугоўванне ў розных сферах. Але актуальнымі застаюцца пытанні жыццезабеспячэння, у тым ліку працягу добраўпарадкавання, медабслугоўвання і г.д.
Менавіта дэпутаты выконваюць злучаючую ролю кіраўніцтва арганізацыі з народам, з іх падачы ладзяцца святы вёсак, наведванне дома ветэранаў працы, арганізацыя грамадскіх мерапрыемстваў. Сумесна выбудоўваюць і стратэгічныя шляхі: займаюцца прафарыентацыяй, замацаваннем моладзі на вёсцы, уздымам дабрабыту людзей – усім, што спрыяе таму, каб край жыў і развіваўся.
Аўтар: Сяргей Козел
«СП»
