Сёння ў рэспубліцы праводзіцца Адзіны дзень бяспекі дарожнага руху. Напярэдадні летніх канікулаў ён праходзіць пад дэвізам «Каля дарогі няма канікулаў!» і прысвечаны папярэджанню траўматызму непаўналетніх, праблеме забеспячэння іх бяспекі на дарозе і ў транспарце.
Супрацоўнікі Дзяржаўтаінспекцыі засяродзяць увагу на правядзенні прафілактычнай работы сярод дзяцей і дарослых. Нагадаюць аб важнасці выкарыстання рамянёў бяспекі і дзіцячых утрымлівальных прылад, правілах перасячэння праезнай часткі, бяспечнага перамяшчэння на веласіпедах і сродках персанальнай мабільнасці.
З пачатку года на дарогах краіны загінулі 10 непаўналетніх, 142 атрымалі траўмы.
Дзяржаўтаінспекцыя заклікае бацькоў праяўляць пастаянную ўвагу да бяспекі дзяцей! Перад тым як адпускаць дзіця самастойна катацца на ровары ці самакаце, пераканайцеся, што яно будзе рабіць гэта ў бяспечным месцы.
Выключыце доступ падлеткаў да ключоў ад аўтамабіляў, матацыклаў і мапедаў. Рэгулярнае напамінак аб бяспечных паводзінах на дарозе малалетнім і сталым дзецям дапаможа ахаваць вашу сям’ю ад бяды.
