Адукацыя Уладзіміра Валер'евіча — той выпадак, калі на руках не адзін дыплом, а цэлая калекцыя. У 2011 годзе ён скончыў Маскоўскі дзяржаўны універсітэт тэхналогій і кіраванняў. Ужо праз год рушыла ўслед магістратура Інстытута падрыхтоўкі навуковых кадраў Нацыянальнай акадэміі навук Беларусі. У 2014-м – перападрыхтоўка ў Баранавіцкім дзяржаўным універсітэце, а ў 2016-м – аспірантура Мінскага інавацыйнага універсітэта. Такі падмурак дазволіў не проста ўвайсці ў прафесію, а хутка вырасці да кіраўніцкіх вышынь.
Сваю кар'еру ў падатковых органах пачынаў у 2014-м у Слуцку. Быў галоўным дзяржаўным падатковым інспектарам аддзела кантролю за арганізацыямі кіравання кантролю за арганізацыямі інспекцыі МПЗ Рэспублікі Беларусь па Слуцкаму раёну. Затым узначальваў аддзел гандлю і паслуг Слуцкага райвыканкама. Пасля гэтага зноў вярнуўся ў падатковую, дзе працаваў у аддзяленні аператыўных кантрольных мерапрыемстваў. Да прызначэння на цяперашнюю пасаду пачынаючы з 2020 года кіраваў аддзелам спагнання плацяжоў упраўлення ўліку падаткаў інспекцыі МПЗ Рэспублікі Беларусь па Слуцкаму раёну.
