На пасяджэнні падвялі вынікі працы на месцах, зверылі планы, а таксама абралі новага старшыню.
Зараз абласная арганізацыя РГА «Белая Русь» аб'ядноўвае ў сваіх шэрагах больш за 28 тысяч чалавек і лічыцца другой па колькасці ў оэспубліцы, саступаючы толькі Мінскай гарадской, дзе больш за 42 тысячы актывістаў.
Старшыня РГА «Белая Русь» Генадзь Давыдзька станоўча ацаніў працу абласной арганізацыі, адзначыўшы, што аб'яднанне — надзейны памочнік выканаўчай улады ў вырашэнні сацыяльных праблем. Намеснік старшыні Мінаблвыканкама Іван Маркевіч, выступаючы перад дэлегатамі, акрэсліў галоўнае — на месцах неабходна ствараць эфектыўна працуючыя кропкі апоры «Белай Русі».
Падчас канферэнцыі быў абраны новы старшыня абласной арганізацыі РГА «Белая Русь». Дэлегаты аднагалосна падтрымалі на адкрытым галасаванні кандыдатуру дэпутата Мінскага раённага Савета дэпутатаў Таццяны Гур'евай, у мінулым - начальніка аддзела ідэалагічнай работы, культуры і па справах моладзі Мінскага райвыканкама, афіцэра органаў унутраных спраў. На думку многіх удзельнікаў пасяджэння, яна зарэкамендавала сябе як адказны і крэатыўны кіраўнік.
Маргарыта Саковіч