Кожныя выхадныя гружаныя дэлікатэсамі аўтамабілі накіроўваюцца не толькі ў суседнія гарады, але і ў сталіцу. Часцяком да канца кірмашовага дня прастаяць не ўдаецца - заканчваецца тавар. І гэта нядзіўна: прадукцыя нашых кааператараў даўно рассмактаная і высока ацэненая іншагароднімі пакупнікамі, таму на прылаўку не затрымліваецца.
Традыцыйна карыстаюцца попытам каўбасныя і рыбныя вырабы, мясныя паўфабрыкаты, кукурузныя палачкі, казiнакi, хлебабулачныя вырабы ўласнай вытворчасці. Асартымент прадукцыі пастаянна пашыраецца, а разам з ім папаўняецца і пералік самых запатрабаваных далікатэсаў.
Сакрэт папулярнасці капыльскіх ласункаў ў аптымальным спалучэнні кошт-якасць. Але, мабыць, галоўны плюс прадукцыі - гэта яе натуральнасць. І хоць на этыкетках надпіс «смак - як дома» не знойдзеш, затое сярод задаволеных пакупнікоў такі водгук не рэдкасць. Добрая рэпутацыя, у сваю чаргу, прыносіць выдатныя «дывідэнды». Так, сярэдні тавараабарот з аднаго пункта за дзень у кірмашовы сезон папаўняе бюджэт кааппрама ў сярэднім на 4000 рублёў.
Дарэчы, акрамя ўдзелу ў рэгіянальных кірмашах, нашы кааператары штотыдзень выязджаюць на рынак у Слуцк, а ў зімовы перыяд — у Салігорск. Акрамя таго, прадукцыя кааппрама пастаянна прадстаўлена на прылаўках розных магазінаў па ўсёй Мінскай вобласці.
Аксана Міхайлоўская