У мерапрыемстве прыняла ўдзел першы сакратар Капыльскага РК ГА «БРСМ» Анастасія Козел, а таксама навучэнцы каледжа.
Людміла Ніжэвіч распавяла маладым выбаршчыкам аб асноўных этапах свайго жыццёвага і працоўнага шляху, выклала сваё бачанне праблем - у тым ліку і тых, якія хвалююць сучасную моладзь, звярнула ўвагу на значныя вынікі, якіх удалося дасягнуць за апошні час, а таксама закранула прыярытэтныя планы развіцця Капыльшчыны на бліжэйшую будучыню. Акрамя таго, прысутныя мелі магчымасць, што называецца, з першых вуснаў даведацца аб тым, у чым жа канкрэтна заключаецца праца парламентарыя. У канцы сустрэчы Людміла Іванаўна раздала навучэнцам каледжа друкаваную агітацыйную прадукцыю і заклікала праявіць актыўную грамадзянскую пазіцыю - прыйсці на выбары і зрабіць свой правільны выбар.
Сустрэча апынулася карыснай, цікавай і змястоўнай. Бо многія з прысутных на ёй маладых людзей ужо ў бліжэйшы час ўпершыню ў жыцці стануць удзельнікамі важнай падзеі і ўнясуць сваю лепту ў вызначэнне будучага краіны. А ад таго, наколькі свядома маладыя людзі падыдуць да ўдзелу ў будучых выбарах і размеркаванні сваіх галасоў, залежыць многае.
Аксана Міхайлоўская
