Галоўны эксперт Юрый Корсік уручае ўзнагароду Дзмітрыю Кавальчуку
Конкурс, у якім прынялі ўдзел 13 навучэнцаў па прафесіях «Трактарыст-машыніст сельскагаспадарчай вытворчасці», «Слесар па рамонце сельскагаспадарчых машын і абсталявання» з 13 устаноў адукацыі вобласці, праходзіў на базе Смілавіцкага сельскагаспадарчага прафесійнага ліцэя. Усе канкурсанты годна справіліся з заданнямі: правялі тэхнічнае абслугоўванне газаразмеркавальнага механізму і рэгуляванне паліўнай апаратуры рухавіка д-260, падрыхтавалі да камплектавання ворны машынна-трактарны агрэгат у складзе трактара МТЗ-1221.2 і плуга ППА-(4+1)-40КЗ, скамплектавалі машынна-трактарны агрэгат у складзе трактара МТЗ-1523В і машыны для ўнясення цвёрдых арганічных угнаенняў РТА-12.
За выкананнем патрабаванняў аховы працы, санітарных нормаў і правілаў, экалагічнай бяспекі, а таксама патрабаванняў, што прад'яўляюцца да арганізацыі працоўнага месца, метадаў і прыёмаў працы з абсталяваннем, аснасткай і інструментам назірала экспертная група. А ацэньвала работу канкурсантаў кампетэнтнае журы, якое ўзначаліў галоўны эксперт IV Рэспубліканскага конкурсу прафесійнага майстэрства сярод рабочых (служачых), спецыялістаў і навучэнцаў, якія атрымліваюць прафесійна-тэхнічную, сярэднюю спецыяльную, вышэйшую адукацыю, «WorldSkills Belarus-2020» па прафесійнай кампетэнцыі «Эксплуатацыя сельскагаспадарчых машын» Юрый Васільевіч Корсiк.
Диана ТКАЧЕНКО
«СП» http://www.kopyl.by