Зоя Дайняк (у цэнтры) і Надзея Хаміцэвіч інфармуюць аб мерапрыемствах у дзень выбараў
У суботу каля крамы «Ластаўка« галоўны спецыяліст РО РГА «Белая Русь» Зоя Дайняк і старшыня першаснай арганізацыі ДУА «Сярэдняя школа № 2 г. Капыля імя Цішкі Гартнага» Надзея Хаміцэвіч тлумачылі неабыякавым грамадзянам важнасць іх удзелу ў выбарах, праінфармавалі аб мерапрыемствах, якія будуць арганізаваныя на выбарчых участках у дзень выбараў.
А вось каля крамы «Родны кут» прадстаўнікі Капыльскай раённай арганізацыі грамадскага аб'яднання «Беларускі саюз жанчын» Святлана Чэрніковіч і Таццяна Грыбок раздавалі кішэнныя календары і флаеры з тэматыкай выбарчай кампаніі, запрашалі жыхароў прыняць удзел у выбарах і такім чынам выканаць свой грамадзянскі абавязак.
Таццяна Грыбок і Святлана Чарніковіч гутараць з Галінай Дударонак
- Асабіста я абавязкова пайду на выбары — дзеліцца Галіна Дударонак. - Гэта мая грамадзянская пазіцыя. Бо ад нас залежыць, якім будзе наша жыццё, а для гэтага трэба ўсяго толькі прагаласаваць і абавязкова за годнага кандыдата.
– Лічу, што не маю права заставацца ў баку ад прыняцця важнага рашэння на выбарах, — уступае ў размову яшчэ адна міначка Алена Леанідаўна. - Кожны голас важны - ад гэтага і дабрабыт нашай краіны.
Да акцыі далучыліся і актывісты Капыльскай РК ГА «БРСМ».
- Для нас важна, каб насельніцтва памятала аб маючых адбыцца выбарах і адчувала адказнасць за будучыню сваёй краіны — падкрэслілі члены РК ГА «БРСМ», маладыя спецыялісты гімназіі № 1 г. Капыля Марта Чыгір і Аляксандра Налівайка.
На тэрыторыі гандлёвага аб'екта — крамы сеткі «Санта» - моладзь раздавала флаеры і вяла гутаркі з мінакамі.
- Я - за ўпэўнены рух да лепшага жыцця — адзначыў капылянін Леанід Бяляўскі. - Таму абавязкова пайду на свой выбарчы ўчастак і зраблю правільны выбар, з якім, дарэчы, ужо вызначыўся.
Ляніду Бяляўскаму інфармацыйныя флаеры ўручаюць члены БРСМ Марта Чыгір і Аляксандра Налівайкі
Скарыстацца сваім правам - прыйсці і прагаласаваць - каля крамы «Еўраопт» заклікалі таксама старшыня Капыльскага раённага аб'яднання прафсаюзаў Валянціна Козіч, старшыня маладзёжнага савета раённага аб'яднання прафсаюзаў Наталля Ярмоленка і сябра прафсаюзнай арганізацыі УАЗ «Капыльская ЦРБ», фельчар Анастасія Давідоўская.
Валянціна Козіч разам з Наталляй Ярмоленка і Настай Давыдоўскай заклікаюць капылян прыйсці на выбары
Таццяна БОХАН
«СП» http://www.kopyl.by
